İran danışıqlara hazır olduğunu elan etdi

SON XƏBƏRLƏR

İran danışıqlara hazır olduğunu elan etdi

2026.05.03, 06:15

Gunaz.tv

Gunaz TV-nin məlumatına görə, Tehran və Vaşinqton arasında danışıqlarda dalan davam etdiyi bir vaxtda İran yeni plan üzrə danışıqlara başlamağa hazır olduğunu vasitəçilərə bildirib.

“Wall Street Journal” qəzetinin məlumatına əsasən, Tehran ABŞ-ın yeni təklifə müsbət yanaşacağı təqdirdə, danışıqlara gələn həftənin əvvəlində Pakistanda başlamağa hazırdır.

Məlumata görə, bu siqnala baxmayaraq tərəflər arasında fərq hələ də böyükdür və əsas mübahisə mövzuları – Hörmüz boğazının açılması və İranın nüvə proqramı – qalmaqdadır; bu isə danışıqlar prosesini hələ də kövrək və riskli edir.

Yeni təklifdə İran əvvəlki mövqeləri ilə müqayisədə qismən geri addım ataraq Hörmüz boğazının açılması şərtləri üzrə danışıqlara hazır olduğunu bildirib; lakin bunun üçün ABŞ-dan hücumların dayandırılması və İran limanlarına tətbiq olunan blokadanın aradan qaldırılması ilə bağlı təminatlar tələb edir. Halbuki Tehran daha əvvəl bütün sanksiyaların ləğvini və münaqişənin bitməsini ilkin şərt kimi irəli sürürdü.

Eyni zamanda, bu təklifdə İranın nüvə proqramı da yeni çərçivədə müzakirəyə çıxarılıb. Mənbələr bildirir ki, Tehran bəzi aspektlər üzrə danışıqlara hazırdır, lakin bunun qarşılığında iqtisadi sanksiyaların azaldılmasını tələb edir.

Bu arada, İranın rəsmi mediası planın Pakistan vasitəsilə ABŞ-a çatdırıldığını təsdiqləyib, lakin əlavə detallar açıqlanmayıb. Bəzi məlumatlara görə, təklifin gecikməsi daxili qərarvermə prosesindəki mürəkkəbliklə bağlıdır.

Digər tərəfdən, Donald Tramp bildirib ki, tərəflər arasında telefon danışıqları davam edir, lakin o, nəticələrə əmin olmadığını vurğulayıb və yeni təklifdən narazı qaldığını qeyd edib.

GünAzTV
R.G

2026.05.03, 05:32

GUNAZ.TV

SON XƏBƏRLƏR