İranda Xərçəng dərmanları əlçatmaz oldu

SON XƏBƏRLƏR

İranda Xərçəng dərmanları əlçatmaz oldu

2026.05.12, 08:25

Dərman bahalaşması xərçəng xəstələrini ölüm həddinə çatdırıb.

Gunaz.tv

Gunaz TV-nin məlumatına görə, xərçəng dərmanlarının qiymətinin kəskin artması və bəzi idxal dərmanlarının geniş şəkildə çatışmaması İranda xərçəng xəstələrini ciddi böhranla üz-üzə qoyub. Həkimlərin sözlərinə görə, bu vəziyyət minlərlə xəstənin həyatını təhlükə altına salır.

“Qlobal Xərçəng Rəsədxanası”nın hesabatına əsasən, İranda 2022-ci ildə 137 mindən çox yeni xərçəng xəstəliyi qeydə alınıb və 87 mindən çox insan bu xəstəlik səbəbindən həyatını itirib. Mədə xərçəngi ölkədə ən geniş yayılan xərçəng növü olaraq qalır.

Səhiyyə sahəsinin mütəxəssisləri bildirirlər ki, son aylarda xərçəng müalicəsinin xərcləri görünməmiş səviyyədə artıb və kimyaterapiya ilə hədəfli dərmanların bir çoxu ailələrin böyük hissəsi üçün əlçatmaz olub.

Məlumatlara görə, bəzi xəstələr maddi imkansızlıq səbəbindən müalicəni dayandırmağa və ya daha ucuz, təsiri zəif olan dərmanlardan istifadə etməyə məcbur qalıblar. Bəzi ailələr isə müalicə xərclərini qarşılamaq üçün qızıl, avtomobil və hətta evlərini satıblar.

“Etemad” qəzeti bəzi xərçəng dərmanlarının qiymətinin 30 faizdən 300 faizə qədər artdığını yazıb. Xəstələrdən biri sümük xərçənginin yayılmasının qarşısını almaq üçün istifadə etdiyi dərmanın hər dozasının artıq təxminən 30 milyon tümənə başa gəldiyini bildirib.

Bir onkoloq həkim müalicədə yaranan hər fasilənin xəstənin sağ qalma şansını azaltdığını vurğulayıb. O həmçinin dərman çatışmazlığının bəzi xəstələri qara bazara yönəltdiyini deyib.

Hüseyn Daiülislam isə mövcud vəziyyəti “insani fəlakət” adlandıraraq bir çox ailənin artıq müalicəni davam etdirmək gücünün qalmadığını bildirib.

GünAzTV
R.G

GUNAZ.TV

SON XƏBƏRLƏR