Contact Us

SON XƏBƏRLƏR

İranın Ermənistana HHM sistemləri tədarük etməsi Bakı ilə İrəvan arasında sülh quruculuğuna zərbə vurmağamı hesablanıb?

2026.05.29, 15:31
İranın Ermənistana HHM sistemləri tədarük etməsi Bakı ilə İrəvan arasında sülh quruculuğuna zərbə vurmağamı hesablanıb?

İlk dəfə mayın 25-də İrəvanda 28 May — Respublika Günü münasibətilə keçiriləcək hərbi paradın məşqi zamanı görüntülən AD-08 Majid HHM sistemləri İranla Ermənistanın hərbi əməkdaşlığı arasında bəzi suallar doğurub.

Gunaz.tv

Yayılan xəbərlərə görə, Ermənistan İrandan AD-08 “Majid” qısa mənzilli hava hücumundan müdafiə sistemi alıb. Sistemin İran və Ermənistan arasında 2024-cü ilin iyulunda imzalanmış 500 milyon dollarlıq silah müqaviləsi çərçivəsində tədarük edildiyi bildirilib.

Qeyd edək ki, bu HHM sistemləri alçaq hündürlükdə uçan PUA və helikopterlərə qarşı fəaliyyət üçün nəzərdə tutulub.

Azərbaycan ilə Ermənistan arasında sülh müqaviləsinin imzalanmadığı şəraitdə İranın Ermənistana yeni HHM sistemləri tədarük etməsi bəzi geosiyasi suallar doğurur. Silah tədarükünün razılaşdırılması əvvəlki illərə aid olsa da sistemin Ermənistanda seçki öncəsi üzə çıxdığını və müxalif qrupun əsas arqumentinin Qarabağ kartı olmasını nəzərə almaq lazımdır.

Bundan başqa, 2020-ci il 44 günlük Qarabağ Müharibəsi zamanı Azərbaycan ordusunun əsas dağıdıcı gücü Türkiyədən, İsraildən alınan və yerli istehsal olan PUA-lar olmuşdur. İranın Ermənistana tədarük etdiyi AD-08 Majid HHM sistemləri də məhz PUA əlehinə fəaliyyət üçün nəzərdə tutulub.

Azərbaycanla Ermənistan arasında münaqişə dövrünün arxada qaldığını və iki ölkənin sülh quruculuğuna keçid etdiyini nəzərə alsaq İranın Ermənistana, Azərbaycanın Qarabağ üzərində öz suverenliyini bərpa etməsindən qısa müddət sonra, silah tədarük etməsini iki ölkə arasındakı sülh quruculuğuna zərbə vurmaq cəhdi kimi başa düşmək mümkündür.

 

C

Açar Sözlər :

SEÇİLMİŞ XƏBƏRLƏR

Çox oxunanlar