Contact Us

SON XƏBƏRLƏR

İranın dondurulmuş 12 milyard dollarlıq vəsaiti azad etmək cəhdi uğursuz olub

2026.05.30, 11:10
İranın dondurulmuş 12 milyard dollarlıq vəsaiti azad etmək cəhdi uğursuz olub

İran parlamentinin sədri Məhəmməd Baqirr Qalibafın rəhbərlik etdiyi yüksək səviyyəli İran nümayəndə heyətinin Dohaya son mühüm səfəri Tehran üçün ciddi diplomatik uğursuzluqla nəticələnib.

Gunaz.tv

Bu barədə danışıqlar barədə məlumatlı mənbə bildirib.

Mənbənin sözlərinə görə, Tehran ABŞ ilə ilkin Anlaşma Memorandumunun (MoU) imzalanması zamanı Qətərdə saxlanılan 12 milyard dolların dərhal və heç bir şərt olmadan nağd şəkildə azad edilməsini tələb edib. Lakin Qətər rəsmiləri bu tələbi rədd edərək məbləğin yalnız yarısının ciddi məhdudiyyətlərlə istifadəyə verilməsinə razılaşıblar.

Danışıqlarda iştirak edən Qətər rəsmisinə yaxın mənbənin bildirdiyinə görə, Doha vəsaitin birbaşa və ya nağd şəkildə İrana köçürülməsini qəbul etməyib. Bunun əvəzinə, həmin məbləğ yalnız İranın Qətərdən əsas mallar və məhsullar alması üçün kredit xətti kimi təqdim ediləcək.

Bu məhdudiyyət ABŞ-ın İrana maliyyə vəsaitlərinə birbaşa və nəzarətsiz çıxış verilməsinə qarşı sərt mövqeyi fonunda tətbiq olunub.

Vaşinqton hesab edir ki, İrana birbaşa pul vəsaitinin verilməsi hökumətə iqtisadi nəfəs dərmək imkanı yaradacaq və regional gərginliyin yüksək olduğu bir vaxtda xaricdən hərbi texnika almasına şərait yaradacaq.

Daha öncə yayıllan xəbərlərə görə, Tehran Qətərdə saxlanılan 12 milyard dolların heç bir məhdudiyyət olmadan sərbəst buraxılmasını ABŞ ilə hər hansı ilkin diplomatik anlaşmanın və ya çərçivə sazişinin irəliləməsi üçün dəyişməz ön şərt kimi müəyyən etmişdi.

Məlumata görə, Qalibaf ölkənin ağır iqtisadi vəziyyətini yüngülləşdirmək məqsədilə məhz nağd maliyyə dəstəyi istəyib. Lakin Qətərin əks təklifi İranın vəsaiti öz istədiyi kimi istifadə etməsinə imkan vermir və bu, Tehranın ABŞ ilə danışıqlardakı strategiyasına ciddi zərbə kimi qiymətləndirilir.

 

C

Açar Sözlər :

SEÇİLMİŞ XƏBƏRLƏR

Çox oxunanlar