İranın görünməyən liderinə Pakistandan məxfi mesaj

SON XƏBƏRLƏR

İranın görünməyən liderinə Pakistandan məxfi mesaj

2026.06.07, 13:06

Gunaz.tv

Gunaz TV – Pakistanın daxili işlər naziri Möhsün Nəqvi general Asim Munirin adından Müctəba Xamenei üçün “xüsusi məktub” gətirdiyini açıqlayıb.

Fars Xəbər Agentliyinin yaydığı videoda pakistanlı rəsmi bildirib ki, o, eyni zamanda Pakistanın baş naziri Şahbaz Şərifin də İran lideri üçün göndərdiyi mesajı çatdıracaq.

Bu səfər Pakistanın son aylarda İran və ABŞ arasında əsas vasitəçi rolunu oynadığı bir vaxtda həyata keçirilir. Pakistan Ordusunun komandanı Asim Munir də bu danışıqlar çərçivəsində bir neçə dəfə Tehrana səfər edib.

Möhsün Nəqvi Tehrana gəldikdən sonra İranın daxili işlər naziri İsgəndər Mömini ilə görüşüb. Onun İranın xarici işlər naziri Abbas Əraqçi ilə də görüşəcəyi bildirilir.

Pakistanlı nazir çıxışında deyib: “Fikirləşirəm ki, bu mesaj mühüm bir mesajdır. Ümid edirəm ki, hər şey yaxşı gedəcək və uğurla başa çatacaq.”

Müctəba Xameneinin İranın lideri kimi təqdim edilməsindən təxminən üç ay keçməsinə baxmayaraq, bu günə qədər onun yeni görüntüsü, videosu və ya səs yazısı yayımlanmayıb.

GünAzTV
R.G

GUNAZ.TV

SON XƏBƏRLƏR