Tramp: Mənə qarşı sui-qəsd olarsa, İrana yönəlmiş 1000 raket dərhal buraxılmağa hazırdır

SON XƏBƏRLƏR

Tramp: Mənə qarşı sui-qəsd olarsa, İrana yönəlmiş 1000 raket dərhal buraxılmağa hazırdır

2026.07.11, 08:25

ABŞ Prezidenti Donald Tramp İrandan ona qarşı sui-qəsd cəhdi ediləcəyi təqdirdə, ABŞ-ın 1000 raketinin İrana yönəldildiyini və buraxılışa hazır vəziyyətdə olduğunu bildirib.

Gunaz.tv

O, Tehrana qarşı "sarsıdıcı hərbi cavab" veriləcəyi barədə xəbərdarlıq edib.

Tramp Truth Social platformasında yazıb:

"İran İslam Respublikası dünyanın müxtəlif yerlərində səsləndirilən təhdidlərini həyata keçirərək ABŞ-ın hazırkı prezidentini – bu halda məni – öldürməyə və ya buna cəhd etməyə qərar verərsə, İrana yönəlmiş 1000 raket artıq buraxılışa hazır vəziyyətdədir və onların ardınca dərhal minlərlə başqa raket göndəriləcək."

Tramp bildirib ki, bununla bağlı göstərişlər artıq verilib və ABŞ ordusu, zərurət yaranacağı təqdirdə bir il ərzində, yaxud daha uzun müddətdə "İranın bütün ərazilərini tamamilə məhv etməyə və darmadağın etməyə" hazır vəziyyətdə qalacaq.

O, paylaşımını "Allaha həmd olsun!" ifadəsi ilə başa vurub.

Bu xəbərdarlıq İranın cümə namazlarında koordinasiya olunmuş çıxışlardan və Cümə Namazı Siyasəti Şurasının Əli Xameneinin öldürülməsinə görə qisas alınmasına çağıran rəsmi bəyanatından sonra səsləndirilib.

- Cəfər Cəfərli

GUNAZ.TV

SON XƏBƏRLƏR