Kamran Əsədov: “Azərbaycan dövlətini sevmirəm, bayrağını və qanunlarını qəbul eləmirəm” . Mənim bayrağım üstündə “La iləhə illəllah” yazılmış qara rəngli bayraqdır

SON XƏBƏRLƏR

Kamran Əsədov: “Azərbaycan dövlətini sevmirəm, bayrağını və qanunlarını qəbul eləmirəm” . Mənim bayrağım üstündə “La iləhə illəllah” yazılmış qara rəngli bayraqdır

2021.10.20, 07:36

Gunaz.tv

Kamran Əsədov: “Azərbaycan dövlətini sevmirəm, bayrağını və qanunlarını qəbul eləmirəm” “Mənim bayrağım üstündə “La iləhə illəllah” yazılmış qara rəngli bayraqdır”

Bu gün Ağır Cinayətlərə Dair İşlər üzrə Hərbi Məhkəmədə Azərbaycan Ordusunun keçmiş zabiti Kamran Əsədovun və digər 19 nəfərin cinayət işi üzrə məhkəmə prosesi keçirilib. Lent.az-ın məlumatına görə, hakim İslam Neymanovun sədrliyi ilə keçirilən prosesdə şahid qismində dindirilən Toğrul Qasımov məhkəmədə yalan danışmayacağına dair and içməkdən imtina edib. O, “mən yalnız Allaha and içə bilərəm”, - deyib. Şahid ifadəsində təqsirləndirilən Hacıbaba Hüseynovu toylarda gördüyünü deyib: “O, toylarda xütbələr oxuyurdu”. Şahid “əhli-sünnə” və “əhli-cəmaə” təriqətlərini haqq yolunda olan təriqətlər kimi qiymətləndirib. Təqsirləndirilən Yaşar Məhərrəmov Azərbaycan haqqında xoşagəlməz sözlər söyləyib. O, üzünü hakimə və prokurora tutaraq, “Azərbaycan tarixən başqa ölkələrin quyruğu olub, sabah burada şəriət dövləti yaransa, siz onun şərtlərinə əməl edəcəksiniz”, - deyib. Y.Məhərrəmov cihadın şəriət dövlətlərinin Hərbi Doktrinasına daxil edildiyini bildirib, Azərbaycan mediasında din haqqında materialların verilməsinin qadağan olduğunu iddia edib. Təqsirləndirilən dövlət ittihamçısının “dinşünas alim Vasim Məmmədəliyev televiziyalarda hər zaman çıxış edir” sözlərinə isə “mən onun fikirlərini qəbul etmirəm”, - şəklində cavab verib. Daha sonra təqsirləndirilən Kamran Əsədov çıxış edib. O, çıxışında ölkənin bayrağını və qanunlarını tanımadığını deyib: “Mənim bayrağım üstündə “La iləhə illəllah” yazılmış qara rəngli bayraqdır. Azərbaycan dövlətini sevmirəm, bayrağını və qanunlarını qəbul eləmirəm”. Məhkəmə prosesi günü ikinci yarısında davam etdiriləcək. Qeyd edək ki, təqsirləndirilən şəxslər - Kamran Əsədov, Bəxtiyar Orucov, Fərid Cabbarov, Elşən Məmmədov, Kamran Babayev, Samir Mehbalıyev, Tərlan Kərimov, Edqar Əliyev, Ramil Kərimov, Şirvani Babayev, Samir Əliyev, Yaşar Məhərrəmov, Orxan Əlizadə, Hacıbala Hüseynov, Azər İbadov, Şəhriyar Məhərrəmov, Ramin Cəlilov, Rövşən Əbdüləliyev, İlkin İsmayılov və Vüqar Əliyev dini radikal qrupda birləşərək, hərbi mübarizəyə başlamağa cəhd etməkdə, Bakıdakı “LUKoyl” yanacaqdoldurma məntəqəsinə silahlı basqın etməkdə, ABŞ və Böyük Britaniyanın Azərbaycandakı səfirliklərinə qarşı terror aktı hazırlamaqda ittiham olunurlar. Şəhriyar Əlizadə LENT.AZ

GUNAZ.TV

SON XƏBƏRLƏR