Tehran Hörmüzlə bağlı mövqeyini sərtləşdirir - İran bölgədə təkl qala bilər

SON XƏBƏRLƏR

Tehran Hörmüzlə bağlı mövqeyini sərtləşdirir - İran bölgədə təkl qala bilər

2026.07.14, 12:36

Danışıqların uğursuzluğa düçar olmasından sonra İranın hərbi rəsmiləri və sərt xətt tərəfdarı siyasətçilər getdikcə daha sərt bəyanatlar verməyə başlayıblar.

Gunaz.tv

Çərşənbə axşamı İranın Xatəm əl-Ənbiya Mərkəzi Qərargahının sözçüsü bəyan edib ki, ABŞ ordusu İranın müəyyən etdiyi marşrutlardan kənarda və silahlı qüvvələrin icazəsi olmadan ticarət gəmiləri və neft tankerlərinin hərəkətinə mane olarsa və ya onların təhlükəsizliyini pozarsa, İran Silahlı Qüvvələri buna qətiyyətli cavab verəcək.

O, həmçinin region ölkələrini xəbərdar edərək bildirib ki, "ABŞ-la hər hansı əməkdaşlıq və onun hərbi qüvvələrinə göstərilən logistik dəstək İranın suverenliyinə və milli təhlükəsizliyinə qarşı müharibə kimi qiymətləndiriləcək". O əlavə edib ki, mümkün genişmiqyaslı münaqişə bütün regionu əhatə edəcək.

Parlamentin Milli Təhlükəsizlik Komitəsinin üzvü Əli Xəzriyan isə bəyan edib ki, İran Hörmüz boğazına "Omanın iştirakı ilə və ya onsuz" nəzarəti təmin etməyə çalışacaq. O xəbərdarlıq edib ki, əgər Maskat əməkdaşlıq etməz və ya gizli şəkildə İranın rəqiblərinə yardım göstərərsə, "Oman ərazisi İran raketləri üçün təhlükəsiz olmayacaq".

Digər deputatlar da oxşar mövqe nümayiş etdiriblər. İbrahim Rzayi bildirib ki, Oman İranı regionun dominant gücü kimi qəbul etməlidir. Mahmud Nəbəviyan isə SEPAH-ın Hörmüz boğazı üzərində "müstəsna idarəetmə" tətbiq etməli olduğunu deyərək, İranın Omanla səlahiyyətləri bölüşməsini nəzərdə tutan istənilən razılaşmanı rədd edib.

- Cəfər Cəfərli

GUNAZ.TV

SON XƏBƏRLƏR