İran və Rusiya qazın israfında dünya lideri oldu

SON XƏBƏRLƏR

İran və Rusiya qazın israfında dünya lideri oldu

2026.07.15, 23:30

Gunaz.tv

Gunaz TV-nin məlumatına görə, Dünya Bankı ötən il İranın neft yataqlarından hasil olunan təxminən 30 milyard kubmetr səmt qazını məşəllərdə yandıraraq israf etdiyini açıqlayıb.

Bu həcm İranın ümumi qaz istehsalının 10 faizindən çoxuna və ölkədə ev təsərrüfatlarının illik qaz istehlakının təxminən 65 faizinə bərabərdir.

Dünya Bankının hesabatına görə, İran və Rusiya səmt qazının məşəllərdə yandırılması üzrə dünyada ən pis göstəriciyə malik ölkələrdir. İraq isə bu siyahıda üçüncü yerdə qərarlaşıb.

Hesabatda bildirilir ki, səmt qazı onun toplanması üçün kifayət qədər infrastruktur olmadığından hasilat yerində yandırılır. Sənəddə həmçinin qeyd olunur ki, İranda məşəl yandırılan qazın həcmi son beş ildə demək olar ki, iki dəfə artıb.

Qiymətləndirmələrə görə, İran 2012–2024-cü illər ərzində 203 milyard kubmetrdən çox qazı məşəllərdə yandıraraq israf edib. Bunun iqtisadi dəyəri təxminən 86 milyard dollar hesablanır.

GUNAZ.TV

SON XƏBƏRLƏR