ABŞ İsraildə hərbi iştirakını gücləndirir: Daha geniş hücumlar gözlənilir?

SON XƏBƏRLƏR

ABŞ İsraildə hərbi iştirakını gücləndirir: Daha geniş hücumlar gözlənilir?

2026.07.17, 21:30

Gunaz.tv

Gunaz.tv-nin məlumatına görə, Axios nəşri ABŞ və İsraildən olan üç yüksəkvəzifəli mənbəyə istinadən bildirib ki, Donald Tramp administrasiyası İrana qarşı hərbi əməliyyatların genişlənməsi ehtimalı fonunda İsrailə daha onlarla yanacaqdaşıyan hərbi təyyarə göndərəcəyini Tel-Əvivə çatdırıb.

Məlumata görə, bu həftə Ağ evin “Situation Room” iclasında Donald Trampa İrana qarşı bir neçə yeni hərbi plan təqdim olunub. O, hazırda Hörmüz boğazı ətrafında davam edən əməliyyatlardan daha genişmiqyaslı hücum variantlarını nəzərdən keçirir.

Axios yazır ki, müzakirə olunan hədəflər arasında İranın infrastruktur obyektləri, nüvə obyektlərinə yeni zərbələr və zənginləşdirilmiş uran ehtiyatlarının daha dərin qatlarda basdırılması məqsədilə hücumlar, həmçinin tikilməkdə olduğu ehtimal edilən Kolang-Gəzla yeraltı nüvə obyektinin bombalanması da var.

Donald Tramp daha əvvəl ABŞ ordusunun yaxın vaxtlarda Kolang-Gəzla obyektinə zərbə endirə biləcəyini bildirmişdi.

Bununla belə, Axios-un məlumatına görə, Tramp hələ yekun qərar verməyib. Bununla yanaşı, ABŞ administrasiyasının hərbi əməliyyatları genişləndirməyə hazırlaşdığı müşahidə olunur.

Məlumata əsasən, ABŞ hazırda İsraildə təxminən 60 yanacaqdaşıyan hərbi təyyarə yerləşdirib və yaxın günlərdə onların sayını artırmaq üçün daha onlarla təyyarə göndərməyi planlaşdırır. Bu təyyarələrin mümkün ABŞ və İsrail hərbi əməliyyatlarına dəstək verməsi nəzərdə tutulur.

GunAz TV
R.G

GUNAZ.TV

SON XƏBƏRLƏR