Contact Us

SON XƏBƏRLƏR

İraqın baş nazirinin Trampla görüşü Tehranın qəzəbinə səbəb oldu

2026.07.17, 22:30
İraqın baş nazirinin Trampla görüşü Tehranın qəzəbinə səbəb oldu

Gunaz.tv

Gunaz.tv-nin məlumatına görə, İraqın Baş naziri Əli əl-Zeydinin ABŞ-a səfəri və Prezident Donald Trampla görüşü İran rəsmilərinin sərt reaksiyası ilə qarşılanıb.

İran liderinin beynəlxalq məsələlər üzrə baş müşaviri Əli Əkbər Vilayəti ölkə mediasında, o cümlədən Təsnim agentliyində yayımlanan açıqlamasında Əli əl-Zeydini “gənc və təcrübəsiz baş nazir” adlandıraraq onun ABŞ səfərini kəskin tənqid edib.

Vilayəti Tramp ilə görüşü “böyük rüsvayçılıq” adlandırıb və yazıb ki, bu səfər onun sözləri ilə desək, “şəhid rəhbər [Xamenei] üçün keçirilən matəm mərasimləri hələ başa çatmamış” baş tutub və İraqın baş nazirinin görüş zamanı “heç bir kədər və təəssürat əlaməti” görünməyib.

Cari ilin may ayında İraqın baş naziri seçilən Əli əl-Zeydi ilk xarici səfəri çərçivəsində ABŞ-a gedərək Donald Trampla görüşüb. Tramp görüş zamanı onu “qəhrəman” adlandırıb, həmçinin zarafatla Əli əl-Zeydinin “çox gənc və yaraşıqlı” olduğunu deyib.

ABŞ Prezidenti görüş zamanı bildirib ki, Amerika qüvvələri sentyabrın 30-dək İraqı tərk edəcək, bunun əvəzində isə Amerika şirkətləri bu ölkədə fəaliyyətlərini genişləndirəcəklər.

Əli əl-Zeydi isə ABŞ-ın rəhbərlik etdiyi koalisiyanın missiyası başa çatdıqdan sonra dövlətin nəzarətindən kənarda olan heç bir silahlı qrupun silah daşımasına icazə verilməyəcəyini vurğulayıb. Bu mövqe İranın dəstəklədiyi silahlı qrupların, o cümlədən Həşd əş-Şəbinin fəaliyyətinə təsir göstərə bilər.

 


GunAz TV
R.G

Tramp İraqın baş naziri haqqında zarafatla deyib:
“O, gənc və yaraşıqlıdır. Bu isə mənim xoşuma gəlmir, bundan heç razı deyiləm.”
Bu açıqlama sosial şəbəkələrdə geniş müzakirələrə və müxtəlif reaksiyalara səbəb olub.

Açar Sözlər :

SEÇİLMİŞ XƏBƏRLƏR

Çox oxunanlar