Müctəba Xamenei: ABŞ “unudulmaz dərs” alacaq

SON XƏBƏRLƏR

Müctəba Xamenei: ABŞ “unudulmaz dərs” alacaq

2026.07.18, 20:29

Gunaz.tv

Gunaz.tv-nin məlumatına görə, İran mediası ölkə rəhbəri Müctəba Xameneiyə aid olduğu bildirilən yazılı müraciəti yayımlayıb. Müraciətdə ABŞ İran və Tehranın bölgədə dəstəklədiyi silahlı qrupların cavabı ilə hədələnib.

Bəyanatda deyilir: “Əziz İran xalqı və Müqavimət Cəbhəsinin ABŞ üçün unudulmaz dərsləri var.” İran hakimiyyəti İraq, Livan və Yəmən kimi ölkələrdə fəaliyyət göstərən silahlı qrupları “Müqavimət Cəbhəsi” adlandırır.

Müctəba Xamenei həmçinin Donald Tramp administrasiyasını Tehran və Vaşinqton arasında imzalanmış anlaşma memorandumunu pozmaqda ittiham edib və ABŞ prezidentinin imzasını “dəyərsiz və etibarsız” adlandırıb.

Bu müraciət İran və ABŞ arasında hərbi qarşıdurmanın yenidən şiddətləndiyi və tərəflərin son günlər qarşılıqlı zərbələr endirdiyi bir vaxtda yayılıb.

Xamenei müraciətinin digər hissəsində ABŞ-la danışıqları tənqid edən radikal hökumət tərəfdarlarının mövqeyini “dəyərli sərmayə” adlandırsa da, bu fikir ayrılıqlarının “birlik və ictimai həmrəyliyə” zərər verməməli olduğunu vurğulayıb.

GunAz TV
R.G

GUNAZ.TV

SON XƏBƏRLƏR