Contact Us

SON XƏBƏRLƏR

Əraqçinin müsahibəsi İranda mühafizəkarların tənqidinə səbəb olub

2026.07.21, 14:07
Əraqçinin müsahibəsi İranda mühafizəkarların tənqidinə səbəb olub

İranın xarici işlər naziri Abbas Əraqçinin bu həftə yayımlanan son müsahibəsi ölkənin mühafizəkar mediasında geniş tənqid olunub.

Gunaz.tv

Tənqidçilər onun müharibə dövrünün təhlükəsizlik məsələləri və dövlət daxilində qərar qəbuletmə prosesi ilə bağlı həssas məlumatları açıqladığını iddia edirlər.

Tənqidlər Əraqçinin YouTube platformasında yayımlanan "Majaray-e Jang" (Müharibənin Hekayəsi) proqramına verdiyi müsahibədən sonra başlayıb. Nazir müsahibədə ABŞ və İsraillə müharibələr, daxili təhlükəsizlik planları, hakimiyyətin varislik hazırlıqları və Vaşinqtonla aparılan danışıqlar barədə danışıb.

Əraqçi həmçinin yüksək vəzifəli rəsmilərə və rəhbərliyin yerləşdiyi məkanlara hücumlara imkan verən "təhlükəsizlik boşluqlarının, yəqin ki, hələ də tam aradan qaldırılmadığını" bildirib.

İran dövlət televiziyasında çıxış edən siyasi analitik Mustafa Xoşçeşm müsahibəyə münasibət bildirərək deyib:

"Əgər məqsədiniz diqqət çəkmək və ya imicinizi düzəltmək idisə, əksinə, vəziyyəti daha da pisləşdirdiniz."

Xoşçeşm Əraqçinin açıqlamalarını "strateji düşüncənin olmamasının göstəricisi" adlandırıb.

Mühafizəkar qəzetlər açıqlamaları tənqid edib

SEPAH-a bağlı Javan qəzeti çərşənbə axşamı yazıb ki, keçmiş ali rəhbərə qarşı hücumların təfərrüatlarını təsdiqləmək, onun öldürüldüyü gün barədə danışmaq və xarici işlər nazirinin yeni ali rəhbər Müctəba Xamenei ilə əlaqəsinin olmadığını açıqlamaq ictimaiyyətə açıqlanmamalı olan məsələlər idi.

Mühafizəkar yönümlü Tabnak nəşri də Abbas Əraqçinin təcrübəli siyasi jurnalist əvəzinə sənədli film rejissoru və onlayn proqram aparıcısı Cavad Moqoeiyə müsahibə verməsini tənqid edib.

Nəşr bildirib ki, müsahibədə səsləndirilən bəzi məlumatlar tamaşaçılardan daha çox İsrail və ABŞ kəşfiyyat orqanları üçün faydalı ola bilərdi.

Keçmiş prezident İbrahim Rəisinin tərəfdarlarına yaxınlığı ilə tanınan Rəca News da Abbas Əraqçinin müsahibəsini tənqid edib.

Nəşr xüsusilə proqramın aparıcısı Cavad Moqoeinin yeraltı tunellərin yerləşdiyi əraziləri göstərməsi və hərbi komandirlərin bu tunellərdən tez-tez istifadə etdiyini bildirməsi ilə bağlı açıqlamalarına etiraz edib.

 

C

Açar Sözlər :

SEÇİLMİŞ XƏBƏRLƏR

Çox oxunanlar