Contact Us

SON XƏBƏRLƏR

Tramp: Razılaşma baş tutmasa, “Külüng Dağı”nı məhv edəcəyik

2026.07.28, 20:55
Tramp: Razılaşma baş tutmasa, “Külüng Dağı”nı məhv edəcəyik

Netanyahu ilə görüş öncəsi Trampdan sərt açıqlama; “Bibi bunu mənə deməyə ehtiyac duymur”

Gunaz.tv

Gunaz.tv-nin məlumatına görə, ABŞ prezidenti Donald Tramp İsrailin baş naziri Benyamin Netanyahu ilə görüşündən bir neçə saat əvvəl bildirib ki, İranla danışıqlar nəticə verməsə, ABŞ “Külüng Dağı” adlanan obyektə də zərbə endirəcək.

Tramp Fox News telekanalına müsahibəsində Netanyahu ilə görüşdə İranın nüvə proqramı ilə əlaqəli, “Kəlang Qəzəla” və ya “Külüng Dağı” kimi tanınan obyekt barədə müzakirə aparılacağına dair xəbərlərə münasibət bildirərək deyib: “Bibi bunu mənə deməyə ehtiyac duymur. Bibi bu mövzunu qaldırır, çünki mənim bu məsələ ilə məşğul olmağa davam etməyimi istəyir.”

Netanyahuya “Bibi” deyə müraciət edən Tramp əlavə edib: “Mən ‘Külüng Dağı’da nələrin baş verdiyini dəqiq bilirəm. Bu, böyük məsələ deyil. Biz onların nüvə obyektlərini məhv etdik və əgər razılaşma əldə olunmasa, ‘Külüng Dağı’ı da məhv etməli olacağıq. Əgər razılaşma baş tutmasa, onu çox asanlıqla məhv edəcəyik.”

“Külüng Dağı” kimi tanınan obyekt İranın Natanz nüvə kompleksinin yaxınlığında, yerin dərin qatlarında yerləşir. ABŞ 12 günlük müharibə zamanı Natanz, Fordo və İsfahan nüvə obyektlərinə genişmiqyaslı zərbələr endirmişdi. Həmin vaxtdan etibarən Atom Enerjisi üzrə Beynəlxalq Agentliyin müfəttişləri bu obyektlərə giriş əldə edə bilməyiblər.

 


GunAz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar