İran ABŞ-a Hörmüz boğazını açıq saxlayacağına söz verdi

SON XƏBƏRLƏR

İran ABŞ-a Hörmüz boğazını açıq saxlayacağına söz verdi

2026.08.08, 20:23

Gunaz.tv

Gunaz.TV; ABŞ vitse-prezidenti Cey Di Vens şənbə günü bildirib ki, İran Vaşinqtona Hörmüz boğazından mümkün qədər çox neft və qazın keçməsinə icazə verəcəyini deyib. Lakin ABŞ İran bu vədi əməldə təsdiqləyənə qədər buna etibar etməyəcək.

Vens “Fox News” telekanalına müsahibəsində deyib: “Onlar (İran) təzyiq altındadırlar və bu vəziyyətin başa çatmasını istəyirlər.”

O əlavə edib ki, ABŞ və İran gəmilərin Hörmüz boğazından təhlükəsiz keçməsi üçün mexanizmin yaradılması ilə bağlı danışıqlar aparırlar. Vensin sözlərinə görə, bu mexanizm İranın ticarət gəmilərinə atəş açmayacağı ilə bağlı öhdəliyini də əhatə edəcək.

Vens deyib: “Biz hələ də bu məsələnin ortasındayıq. Bu məsələ başa çatmayıb... Gözləntimiz budur ki, qarşıdurma başlamazdan əvvəl körfəzdən çıxarılan eyni miqdarda neft və qaz yenidən bu ərazidən ixrac olunsun.”

O, İranın verdiyi vədlə bağlı deyib: “İranlılar bunu bizə deyiblər... Amma biz etibar etmirik, yoxlayacağıq.”

Vens həmçinin Hörmüz boğazından keçən gəmilərdən rüsum alınması məsələsinə toxunaraq bildirib ki, İran hakimiyyəti daxilində bəzi şəxslər rüsum alınmasından danışırlar. Lakin İranın rəsmi nümayəndələri ABŞ-a bildiriblər ki, “Hörmüz boğazından keçən gəmilərdən rüsum almaqla bağlı heç bir planları yoxdur”.

Bu açıqlamalar İranın xarici işlər naziri və İslam İnqilabı Keşikçiləri Korpusunun sözçüsünün şənbə günü ayrı-ayrılıqda verdiyi açıqlamalardan sonra səslənib. Onlar Omanla aparılan danışıqların Hörmüz boğazının “açılması” ilə bağlı olmadığını və ABŞ-ın bu su yolunun açılması üçün İranın şərtlərini qəbul etməli olduğunu bildiriblər.

Hörmüz boğazı 40 günlük müharibənin başlanmasından bəri İran hərbi qüvvələri tərəfindən bir neçə dəfə bağlanıb.

GunAz TV
R.G

GUNAZ.TV

SON XƏBƏRLƏR