İran ordusunun yeni doktrinası qabaqlayıcı zərbələrə imkan verir

SON XƏBƏRLƏR

İran ordusunun yeni doktrinası qabaqlayıcı zərbələrə imkan verir

2026.08.22, 10:56

İran ordusu hərbi doktrinasının müdafiədən hücum xarakterli yanaşmaya keçdiyini və bunun qabaqlayıcı zərbələr, eləcə də cavab verilən hücumdan daha genişmiqyaslı əks-zərbələr endirmək imkanını nəzərdə tutduğunu açıqlayıb.

Gunaz.tv

Ordunun sözçüsü briqada generalı Məhəmməd Əkrəmini dövlətə məxsus IRNA agentliyinə bildirib ki, bu dəyişiklik son iki müharibənin təcrübəsi əsasında formalaşıb.

O, İordaniyadakı ABŞ bazasına endirilən İran zərbəsini qabaqlayıcı əməliyyata nümunə kimi göstərib və gələcəkdə İrana qarşı hər hansı hücumun dərhal cavablandırılacağını, cavab zərbəsinin isə ilkin hücumdan daha genişmiqyaslı ola biləcəyini deyib.

Əkrəmini həmçinin bildirib ki, ordu döyüşlərdəki fasilədən istifadə edərək müharibə zamanı zədələnmiş sistemləri bərpa edib və təkmilləşdirib, yeni avadanlıqları istifadəyə verib. O qeyd edib ki, İran atəşkəsdən döyüş hazırlığını artırmaq üçün istifadə edir.

O, hazırkı müharibə şəraitində komandanlıq birliyini gücləndirmək, qərarların qəbulunu sürətləndirmək və daha operativ reaksiya vermək məqsədilə Xatəm əl-Ənbiya Mərkəzi Qərargahının Silahlı Qüvvələrin Baş Qərargahı ilə birləşdirildiyini də təsdiqləyib.

GUNAZ.TV

SON XƏBƏRLƏR