ABŞ diplomatları Yaxın Şərqdəki səfirliklərə qayıtmağa hazırlaşır

SON XƏBƏRLƏR

ABŞ diplomatları Yaxın Şərqdəki səfirliklərə qayıtmağa hazırlaşır — NYT

2026.08.25, 13:56

“New York Times” ABŞ Dövlət Departamentinin daxili sənədinə və üç amerikalı rəsmiyə istinadən xəbər verib ki, ABŞ İranla müharibədən əvvəl və müharibə zamanı təxliyə edilmiş bir sıra Yaxın Şərq səfirliklərinə diplomatlarını geri qaytarmağa hazırlaşır.

Gunaz.tv

Qəzetin məlumatına görə, Xarici Xidmət əməkdaşlarının geri qayıtması və bəzi ABŞ diplomatik nümayəndəliklərində fövqəladə tədbirlərin yumşaldılması hələ bu həftə başlaya bilər.

Məlumata görə, əməkdaş sayının artırılması nəzərdə tutulan səfirliklər İsrail, Livan, Səudiyyə Ərəbistanı, Qətər, İordaniya, Oman, İraq və Küveytdəkilərdir.

ABŞ Dövlət Departamenti “New York Times”a bildirib ki, diplomatik nümayəndəliklərdə təhlükəsizlik vəziyyətini mütəmadi olaraq nəzərdən keçirir və son qiymətləndirmələrə əsasən Yaxın Şərqdəki bəzi diplomatik postlarda əməkdaş sayını tənzimləyir.

Qəzet qeyd edib ki, bu addım Vaşinqtonla Tehran arasında 60 günlük atəşkəsin ötən həftə başa çatmasından sonra danışıqların dalana dirənməsinə baxmayaraq atılır.

GUNAZ.TV

SON XƏBƏRLƏR