SEPAH öz təbliğatını yaymaq üçün süni intellektdən istifadə edir

SON XƏBƏRLƏR

SEPAH öz təbliğatını yaymaq üçün süni intellektdən istifadə edir

2026.09.11, 11:29

Anthropic süni intellekt şirkəti cümə axşamı yayımladığı hesabatında İran dövlətinə bağlı üç hesab müəyyən edərək blokladığını bildirib.

Gunaz.tv

Şirkətin məlumatına görə, bu hesablar hökumətin təbliğat qurumları ilə əlaqəli olub və "Claude"dan təsir əməliyyatları aparmaq, dövlət tərəfindən dəstəklənən narrativləri müstəqil məzmun kimi təqdim etmək və materialları SEPAH-ın mövqelərini dəstəkləyən kanallar vasitəsilə yaymaq üçün istifadə edib.

Şirkət hesabları İran Mədəniyyət və İslami İrşad Nazirliyinin tabeliyində olan İslam Mədəniyyəti və Əlaqələr Təşkilatı, Rəzəvi Xorasan Vilayətinin İslam Təbliğatı İdarəsi və İslam Təbliğatı Təşkilatının Bina Mədəniyyət Rəsədxanası ilə əlaqələndirib. Hesabatda əhatə olunan fəaliyyətlər 2025-ci ilin dekabrından 2026-cı ilin avqustuna qədər davam edib.

Anthropic-in məlumatına görə, hesablar Claude-dan kampaniya planları, doktrina təlimatları, müxtəlif personaj sistemləri və hədəf bazaları hazırlamaq, həmçinin hökumətin rəsmi kəşfiyyat bülletenlərini dövlət mənşəyini gizlətməklə bir neçə dildə məzmuna çevirmək üçün istifadə edib. Hazırlanan materiallar X, Instagram, Telegram, TikTok, eləcə də Eitaa, Bale və Rubika kimi İran platformalarında yayımlanıb.

GUNAZ.TV

SON XƏBƏRLƏR