Contact Us

SON XƏBƏRLƏR

ABŞ Səudiyyə Ərəbistanına F-35 qırıcılarının satışını təsdiqlədi

2026.09.17, 21:35
ABŞ Səudiyyə Ərəbistanına F-35 qırıcılarının satışını təsdiqlədi

Gunaz.tv

ABŞ Dövlət Departamenti Səudiyyə Ərəbistanına 24,3 milyard dollar dəyərində F-35 Lightning II qırıcılarının satışını təsdiqləyib.

Gunaz TV-nin məlumatına görə, ABŞ Dövlət Departamenti Səudiyyə Ərəbistanına “F-35 Lightning II” qırıcılarının satışına razılıq verildiyini açıqlayıb. 24,3 milyard dollar dəyərində qiymətləndirilən müqavilə 48 ədəd F-35 qırıcısının satışını nəzərdə tutur.

ABŞ Dövlət Departamenti bildirib ki, bu satış əsas müttəfiqin təhlükəsizliyinin gücləndirilməsinə dəstək məqsədi daşıyır və Səudiyyə Ərəbistanının mövcud və gələcək təhdidlərə qarşı çəkindirmə imkanlarını artıracaq.

Yayılan məlumata görə, müqaviləyə həmçinin 49 mühərrik, rabitə avadanlıqları, ehtiyat hissələri və bu qırıcılarla bağlı texniki dəstək xidmətləri daxildir.

F-35-lərin Səudiyyə Ərəbistanına satışı bu qırıcıların ABŞ-ın ən qabaqcıl döyüş təyyarələrindən biri hesab edildiyi bir vaxtda baş verir. Bu təyyarələrin Səudiyyə Ərəbistanı Hərbi Hava Qüvvələrinə daxil olması ölkənin hava imkanlarını əhəmiyyətli dərəcədə artıra bilər.

 

Gunaz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar