Binyamin Netanyahu baş nazir vəzifəsində qalır

SON XƏBƏRLƏR

Binyamin Netanyahu baş nazir vəzifəsində qalır

2026.10.29, 21:30

Netanyahu daha 6 ay baş nazir qala bilər: İsraildə yenidən seçkilərin keçirilməsi ehtimalı var.

Gunaz.tv

İsraildə parlament seçkilərinin başa çatması və siyasi blokların hökumət qurmaq üçün tələb olunan səs çoxluğunu əldə edə bilməməsi fonunda Binyamin Netanyahunun müvəqqəti baş nazir kimi fəaliyyətini davam etdirməsi və növbədənkənar seçkilərin keçirilməsi ehtimalı yenidən gündəmə gəlib.

Yayılan qiymətləndirmələrə görə, Netanyahunun rəhbərlik etdiyi sağ blokun təxminən 53, Qadi Ayzenkotun rəhbərlik etdiyi müxalifət blokunun 48, ərəb partiyalarının isə 120 yerlik Knessetdə 19 mandat qazandığı bildirilir. Beləliklə, hökuməti formalaşdırmaq üçün tələb olunan 61 mandatlıq çoxluğa heç bir blokun çata bilmədiyi qeyd olunur.

İsrail qanunvericiliyinə əsasən, yeni hökumət formalaşdırılaraq Knessetin etimadını qazanana qədər hazırkı hökumət fəaliyyətini davam etdirir. Buna görə də koalisiya danışıqları dövründə Netanyahu müvəqqəti baş nazir olaraq qala bilər.

Bununla yanaşı, siyasi dalana dirənmənin uzanması və 2027-ci ildə yeni seçkilərin keçirilməsi ehtimalı da müzakirə olunur. Bəzi qiymətləndirmələr mövcud vəziyyətin təxminən altı ay davam edə biləcəyinə işarə edir. Bununla belə, növbəti seçkilərin dəqiq tarixi məlum deyil və bu, partiyalar arasında danışıqların nəticəsindən, eləcə də hökumətin formalaşdırılması prosesindən asılıdır.

Hazırda “növbəti seçkilərə altı ay qalması” barədə deyilənləri qəti qərar və ya rəsmi elan kimi qəbul etmək olmaz. İsrailin siyasi gələcəyi koalisiya danışıqlarının nəticəsindən və ölkə prezidentinin hökumətin formalaşdırılması ilə bağlı qərarından asılı olacaq.

GunAz TV
R.G

GUNAZ.TV

SON XƏBƏRLƏR