Tramp aralıq seçkilərdən sonra İrana zərbələri bərpa etməyi planlaşdırır

SON XƏBƏRLƏR

Tramp aralıq seçkilərdən sonra İrana zərbələri bərpa etməyi planlaşdırır – MS NOW

2026.10.31, 09:37

ABŞ Prezidenti Donald Tramp Konqresə aralıq seçkilərdən sonra İrana qarşı hərbi zərbələri bərpa etməyi planlaşdırır.

Gunaz.tv

Bu barədə MS NOW telekanalı üç yüksək vəzifəli körfəz ərəb ölkəsi rəsmisinə istinadən məlumat yayıb.

Məlumata görə, administrasiya körfəz ölkələrindəki müttəfiqlərini noyabrın 4-dən etibarən qısamüddətli, lakin intensiv hücumlara hazırlaşmaq barədə məlumatlandırıb.

Vaşinqtonun Ərəb körfəzi regionundakı müttəfiqləri İranın mümkün cavab zərbələrindən narahat olduqları üçün gərginliyin azaldılmasına çalışırlar. Ağ Ev rəsmisi isə mümkün hərbi planlarla bağlı şərh verməkdən imtina edərək, Trampın İranın nüvə silahı əldə etməsinin qarşısını almaq üçün “bütün variantları masada saxladığını” bildirib.

Telekanalın məlumatına görə, Tramp administrasiyası regionda ABŞ hərbi qüvvələrinin sayını artırmaqla yanaşı, diplomatik səylərini də son mərhələyə çatdırıb. Cümə günü Qətərin vasitəçiləri razılaşma əldə etmək məqsədilə Tehranda olublar. Eyni zamanda, ABŞ Yaxın Şərq istiqamətində üçüncü aviadaşıyıcı zərbə qrupunu göndərir.

GUNAZ.TV

SON XƏBƏRLƏR