Tramp: “İranlılar razılıq əldə olunması üçün müzakirəyə can atırlar”

SON XƏBƏRLƏR

Tramp: “İranlılar razılıq əldə olunması üçün müzakirəyə can atırlar”

2021.10.20, 07:36

Gunaz.tv

GünazTV: ABŞ prezidenti Donald Tramp avqustun 1-də Ohayo ştatının Sinsinnati şəhərində seçkiqabağı təşviqat kampaniyası aparmaq üçün tərəfdarları qarşısında çıxış edərək, İranla imzalanmış nüvə sazişindən və rəsmi Tehranın Vaşinqtonla müzakirəyə cəhdindən danışıb.

Tramp deyib ki, rəsmi Tehran onun hökuməti ilə danışıqlar aparmaq niyyətindədir: “Mən Amerika vətəndaşlarının təhlükəsizliyini qorumaq üçün Birləşmiş Ştatları İranla imzalanmış bu dəhşətli sazişdən çıxardım.

Keçmiş prezident Barak Obama hökumətində iranlılara 1 milyard 800 milyon dollar pul verilib. Görəsən, onlar pulla dolu bir təyyarəni görəndə necə nə hala düşüblər. Mənim üçün bunları bilmək maraqlıdır. Görəsən onlar bu pulla nə etdilər. İnanırsınızmı, bunlar maraqlıdır. Nə dediyimi yadda saxlayın. Bu gün artıq İran iki il yarım əvvəlki ölkə deyil. İran hazırda tam başqa bir ölkədir.

Mən Amerika prezidenti kimi fəaliyyətimə başlayanda İran hər yerdə fəal idi. İran dünyanın 14-dən 18-ə qədər bölgəsində baş verən münaqişələrdə birbaşa iştirak edir, fəaliyyət aparırdı. Lakin hazırda vəziyyət tam dəyişib və onlar (İran rejimi) ağır durumdadırlar. Hazırda iranlılar razılıq əldə olunması üçün müzakirəyə bərk can atırlar” –deyə ABŞ prezidenti Donald Tramp əlavə edib.

Qeyd edək ki, 2018-ci ilin mayında Amerikanın nüvə sazişindən çıxmasını rəsmən elan edən prezident Tramp son bir ildə İran rejiminə qarşı maksimum təzyiq siyasəti yeridir. İrana qarşı sanksiyaları genişləndirən Tramp deyib ki, İran normal bir ölkə kimi rəftar etməli, terrorizmə dəstəyini dayandırmalı, nüvə silahına yiyələnmək cəhdindən əl çəkməli, raket proqramına son qoymalı və çaxnaşmaya səbəb olan digər əməllərini tərk etməlidir.

A.M

GUNAZ.TV

SON XƏBƏRLƏR