GünAz TV: Suriyada hakimiyyət qarşı etiraz aksiyalarının (yürüşlərin) artması bölgədə ciddi rahatsızlığa səbəb olub.

«MIGnews»-un məlumatına görə, yerli müxalifətin internetdə yaydığı video çarxda prezident Bəşşar Əsədə qarşı çıxış edənlər Dəmşqdə İranın və «Hizbullah»ın bayraqlarını yaynırırlar.

Nümayiş iştirakçıları «Rədd olsun İran!», «Rədd olsun Hizbullah!», «Biz Allahdan qorxan prezident istəyirik!» şüarlarını səsləndiriblər.

Son zamanlar Suriya müxalifəti İslam Respublikası (Cümhuriyyəti) və Livan «Hizbullah»ını etiraz aksiyalarının əzilməsində hakimiyyətə yardım etməkdə ittiham  edir.

«YouTube»-da yayılan video çarxda iranlı hərbçilərin suriyalı yürüşüçüləri döydüyü də təsdiqlənib.

Ötən həftə Suriya odrusundan Türkiyəyə qaçan yüksək rütbəli zabit (əfsər) Hüseny Hərmçu deyib ki, odrudan qaçmaq istəyən  çoxlu sayda əsgər və zabit var: « Ancaq onlar özlərinin və ailələrinin həyatanın təhlükə qarşısında qalacağından ehtiyatlanırlar. Məncə, başqa zabitlər də Suriya ordusundan qaçacaq. Tanıdıqığım hərbçilərin bəziləri mənə zəng edərək, tezliklə ordudan qaçacaqlarını bildiriblər».

Onun sözlərinə görə, Suriya hərbi kəşfiyyatına mülki vətəndaşları öldürmək əmri verilmişdi : «Mən bundan imtina etdiyim üçün həyat yoldaşımı zorladılar».

Başşqa bir video çarxda isə yürüşçülərə qoşulan əsgərləri etirazçılar alıqlşlayaraq, «Ordu ilə xalq birdir!»  şüarını söyləyiblər.

Heç şübhəsiz bu sayaq xəbərlərin yayılması ilk növbədə Dəmşəq rejiminin yürütdüyü informasiya blokadası (mühasirə) ilə bağlıdır. Məlum olduğu kimi neçə aydır Bəşşar Əsəd xarici informasiya vasitələrinin ölkəyə daxil olmasını yasaqlayıb.

ABŞ-ın (Amerika Birləşmiş Ştatları) Təl-Əvivdəki konsulu, 20 il ölkəsinin xəfiyyə xidmətində əməliyyatçı işləmiş Xaqay Karmonun yazdığına görə, «Suriyada Bəşşar Əsədin açdığı «sallaqxanadan» dünya xəbərsizdir». Onun qənaətincə, bu rejimin arxasında Rusiya, İran və «Hizbullah» durur : «Əsəd bilir ki, həyat uğrunda deyil, ölüm uğrunda mübarizə gedir… Yürüşçülər əllərində «Qəssab – Əsəd!» «Əsəd –İranın küçüyü!» kimi şüralar tuturlar».

Xatırladaq ki, Britaniyanın xarici işlər naziri Uilyam Heyq bu günlərdə bildirmişdi  ki, Suriyadakı hakimiyyətə qarşı etiraz aksiyaları Tehranın yardımı ilə yatırılır. Nazirin sözlərinə görə, İran rejimi Bəşşar Əsəd hakimiyyətini qurğu və texnikalarla təmin edir.

Britaniya diplomatının bu bəyanatı, Suriyanın Şimal-Şərqində Cisr-əş-Şuqur şəhərində hökumət qüvələrrinin öldürülmüş onlarla polisin cəsədənin aşkarlanması ilə eyni vaxta təsadüf edib. «İranın Suriyadakı dinc nümayişçilərə və müxalifətə qarşı zorakılığın edilməsinə, habelə  hakimiyyəti bu yöndə istifadə olunan hər cür avadanlıqla (təchizatla)  təchiz etməsinə dair əlimzidə sübutlar var»-deyə, o, söyləmişdi.

Onun sözlərinə görə, İran rəhbərliyinin bu davranışı beynəlxalq aləmdə «ikiüzlülüyün klassik örnəyidir».

İslam Respublikasının Xarici İşlər Nazirliyi Britaniyanın Tehrandakı müvəqqəti işlər vəkilinə nazirinin «İran Suriyanın daxili işlərinə qarışır» - bəyanatına etiraz notası təqdim edib. Notada bildirilib ki, Britaniya xarici işlər nazirinin İrana qarşı ittihamı «əsassızdır».

Onun yazdığına görə, Rusiya ənənəvi olaraq, ərəb dövlətlərindəki sosialist rejimlərə «çətirlik» edirdi. Suriyada isə 2 min rusiyalı hərbçi müşavir çalışır. Dəməşqdən cənubda yerləşən Tartus limanında ruslar müasir hərbi-dəniz bazası yaradıblar. Bu Rusiya donanmasının (dəniz qüvvələri) Aralıq dənizindəki yeganə bazasıdır.

Suriyadakı bu hərbi bazanın yardımı ilə də Moskva bölgədə varlığını qoruya bilir. Misir, İraq,Əlcəzari, Liviyadakı (Libidəki) dəyişiklər Kremlin bölgədən sıxışdırılıb. Çıxarılması ilə nəticələnib. Bu baxımdan Suriya onun sonuncu dayanacaqlarından biri də sayla bilər.

Elə bu səbəbdən də onlar BMT-nin (Birləşmiş Millətlər Təşkilatının) Təhlükəsizlik Şurasında  Suriyaya qarşı sanksiyanın (təhrimin) qəulunu əngəlləyirlər. Əslində Suriyadakı diktatura rejimini Rusiya, İran, «Hizbullah»la yanaşı, Çin də müdafiə etməkdədir.

Onlar Dəməşq rejiminin başçısından çox bu yolla öz ölkələrindəki diktaturanı və ya psevdodemokratiyanın qorumağa çalışırlar. Çünki bu dəyişikliklərin dalğasının onları da bürüyəcəyindən ehtiyatlanırlar. Əks halda Bəşşar Əsəd kimi varis prezidentləri ölkə vətəndaşları bir saat belə hakimiyyətdə saxlamaz. ..

Hələlik, ABŞ prezidenti Barak Obama  B. Əsədə istefa verməyi, Türkiyə baş nazirinin vəzifəsini icar edən Tayib Ərdoğan və BMT-nin baş katibi Pan Ge Mun isə ondan islahatalar aparmağı məsləhət görürlər.

Yeri gəlmişkən, hüquq müdafiəçiləri bildirib ki, martdan başlayan etiraz aksiyaları zamanı hökumət qüvvələri 1200-dən çox dinc etirazçını qətlə yetirib.

Sədrəddin Soltan