GünAz TV mətbuat mərkəzinin növbəti müsahibi, Diaspora və Lobbi Strateji Araşdırmalar Mərkəzinin sədri, fəlsəfə doktoru, diaspor üzrə araşdırmaçı Zaur Əliyevdir.

- Erməni diasporu üçün Qarabağ və saxta soyqırım məsələsi nə deməkdir?

- Dünya ermənilərinin milli kimliyi, birliyi üçün xristian (məsihi)  dinindən də önəmli olan uydurma soyqırım iddiaları və Azərbaycanın əzəli torpaqlarında işğalçı müharibəni davam etdirmək iki əsirlik "erməni məsələsi"nin bir qoludur. ABŞ, Rusiya, Avropa və Asiya ölkələrində ermənilərin fəaliyyətini, bir növ, tənzimləmək üçün bu problemin həll olunması dünya erməni şəbəkəsinin bir nöz zəifləməsinə gətirib çıxara bilər.

- Bəs nə üçün erməni diasporu Dağlıq Qarabağ probleminin həll edilməməsində belə maraqlıdır?

- Erməni diasporu Qarabağ ərazisində naroktik (müxəddir) maddələrin əkintisi və tranzit bir yerə çevrilməsində maraqlıdır. Bu gün bizim işğal olunan ərazilərdə terorçular hazırlanır, burada bazalar yaradılır və burada yetişdirilən naroktik bitkilərin gəliri diasporun aparıcı simalarının şəxsi ciblərinə axır. Bu gün məlumdur ki, dünya erməni diasporu və onların maliyyəsi ilə fəaliyyət göstərən erməni lobbisinin əsas məqsədlərinə Ermənistan və Dağlıq Qarabağ separatçılarına dəstək əldə etməkdir. Bunun üçün onlar aylıq və illik külli miqdarda pullar əldə edirlər. Belə olan təqdirdə Siz necə hesab edirsiniz-erməni diasporu münaqişənin həll edilməsində maraqlı ola bilər

Təkcə bir faktı (gərçəyi) nəzərinizə çatdırım ki, 1990–1994-cü illər ərzində Amerikadakı erməni diasporu Qarabağda qedən işğalçı müharibəni maliyyələşdirmək üçün on milyonlarla dollar vəsait toplayıb Ermənistana yollayıblar. 1994-dən bəri bu məbləğ artmaqda davam edir.

- Bu gün belə fikir eşidirik ki, Türkiyədə erməni diasporu güclüdür, həm də kifayyət qədər təsir imkanlarına malikdirlər. Deyilən fikirlərə münasibətinizi bilmək istərdik?

- Türkiyə hökumətinin ermənilərə olan yaxınlığının 1/10 hissəsini Azərbaycanla münasibətlərdə biz bu gün görmürük. İndi erməni diasporu Türkiyədə sərbəst fəaliyyət göstərir, güclü maddi imkanları var, biznez şəbəkələri güclənməkdə davam edir. Onların mediada, universitetlərdə bir hakimiyyətləri var, cəmiyyət üzərində təbliğat aparmaq üçün geniş imkanlara malikdirlər. Buna isə onların həm pullarının çox olması kömək edir, həm də Türkiyə iqtidarı zəmin yaradır. Elə bir təbliğat aparırlar ki, Türkiyəni və ictimaiyyətini erməni diasporunun apardığı siyasətə təslim etsinlər. Hrant Dink-adi bir jurnalistin ölümün elə təbliğ edirlər ki, sanki dünyanın sonu çatıb. Buna isə AKP rəsmiləri göz yumurlar. Bu gün seçim öncəsi Azərbaycan üçün jestlər artıq gecdir. Türk milləti bu kimi açıqlamalara aldanmayacaq və seçkilərdə AK parti uduzacaqdır

Söhbətləşdi: Elnur Eltürk