Kazan görüşü ərəfəsində Ruslardan erməni yanlı çıxışlar...

SON XƏBƏRLƏR

Kazan görüşü ərəfəsində Ruslardan erməni yanlı çıxışlar...

2021.10.20, 07:36

Gunaz.tv

GünAz TV: Azərbaycanın hazırlıqsız verdiyi gurultulu bəyanatlar informasiya müharibəsində məğlubiyyətə vəsiqədir.

Rusiyanın Strateji İnkişafın Modelləşdirilməsi Mərkəzinin birinci vitse-prezidenti (müavini) Qriqori Trofimçuk Azərbaycan müdafiə nazirinin mətbuat xidmətinin rəisi Eldar Sabiroğlunun Ermənistan hakimiyyətinin Qarabağ tənzimlənməsi məsələsində problemlərin həlli üzrə sülh danışıqlarını pozması və bunun hərbi münaqişəylə nəticələnəcəyinin qaçılmaz olması barədə bəyanatını belə şərh edib.

“REX” agentliyinə (ajansına) müsahibəsində Trofimçuk bildirib ki, birini vurmaq istəyəndə, xəbərdarlıq etmədən vururlar. Ekspertin (karşünasların) fikrincə, Bakı bu kimi tezisləri (tezləri) fasiləsiz olaraq daxili tələbatı üçün səsləndirir.

Ekspert qeyd edib ki, fəal əməliyyatlar başlayarsa, Qafqazda təkrar bölünmə baş verə bilər. Trofimçuk hesab edir ki, Azərbaycan hərbi əməliyyatlara başlayarsa, Naxçıvanı ondan almağa çalışacaqlar."İstənilən halda, belə praktik (əməli) təşəbbüslərdən sonra Böyük Qafqazı ümumi partlayış gözləyir, belə ki, hər kəs - ilk növbədə Gürcüstan, Türkiyə, Aİ, İran yaranmış vəziyyətdən faydalanmağa çalışacaq".

O hesab edir ki, hərbi əməliyyatlara başlamaq üçün Azərbaycan bəzi güc mərkəzlərinin heç olmasa gizli dəstəyini almalıdır və hətta burada Türkiyənin dəstəyi yetərli olmayacaq. Bu zaman ekspert qeyd edib ki, bütün Qafqaz 2008-ci ilin avqustunda Gürcüstanın necə asanlıqla tərk edildiyini gördü və Bakı bu mühüm amilləri nəzərə alır.

Qriqori Trofimçuk, həmçinin qeyd edib ki, yaranmış qüvvə balansı baxımından Azərbaycan üçün informasiya müharibəsi ən perspektivli (çeşməndaz) variant (seçənək) ola bilərdi, amma o müharibəni aparacaq insanlar yoxdur. “Belə müharibələr apara bilən mütəxəssislər, hətta bütün dünyada tək-tükdür və onlardan heç olmasa birinin Azərbaycan ərazisində yaşaması fakt deyil”.

Azərbaycan informasiya müharibəsi aparmağı öyrənməyib. “Məsələn, Azərbaycanın ”Xocalı" qlobal (kürəsəl) informasiya layihəsi çərçivəsində böyük vəsaitlər xərclənir, bütün dünyada təbliğat aksiyaları keçirilir, amma bu kimi incə sahələrdə ekstensiv (vüsətli) yanaşma hələ heç vaxt nəticə verməyib", - deyə o bildirib(Turan).

GUNAZ.TV

SON XƏBƏRLƏR