GünAz TV: Atom-nüvə proqramını dayandırmadığına və insan haqlarını pozduğuna görə Tehran hakimiyyətinin bir sıra rəsmsilərinə sanksiya (təhrim) tətbiq edilib. Onlardan biri müdafiə naziri Əhməd Vahididir.

Onun adı sanksiya tətbiq edilənlər siyahısında var. Ancaq  ötən gün onu Boliviyadan sanksiyalarla bağlı qovmayıblar. O, bu ölkədən Argentina hakimiyyətinin tələbi əsasında çıxarılıb.

Beynəlxalq ictimaiyyət İran hakimiyyətinin Argentinadakı terror əməlini  hələ yaddan çıxrmayıb. Qeyd edək ki, 1992-ci ildə  İsrail səfirliyinin bu ölkədəki binasında partalyışdan sonra 29 nəfər, 1994-cü ildə Argentina paytaxtında yəhudilərin mədəniyyət mərkəzi yaxınlığında avtomobilin partladılması nəticəsində 85 nəfər həlak olmuş, çoxlu sayda insan yaralanmışdı.

Argentina hakimiyyəti ehtimal edir ki, həmin terror olayında İran tərəfindən himayə edilən Livan (Lübnan) «hizbullah»ın da əli var. Bundan başqa bəhs etdiyimiz terror aksiyasının təşkilində İranın indiki müdafiə naziri Əhməd Vahidinin iştirak etdiyi istisna edilmir.

Qeyd edək ki, Əhməd Vahidi nazir olmazdan öncə İnqilab keşikçiləri Qvardiyası (Sepah) «əl-Qüds» briqadasının (ordu, tip) komandanı olub. Mahmud Əhmədinejadın prezidentliyinin birinci dövründə o, müdafiə nazirinin müavini vəzifəsində çalışıb. «əl-Qüds»ün «Qüds qüvvəsi» qolu əsasən xarici ölkələrdə fəaliyyət göstərir.

2006-cı ilin noyabr ayında Argentina məhkəməsinin hakimi Koral İranın bir sıra yüksək rütbəli şəxslərini, o cümlədən dəkeçmiş prezident Haşimi- Rəfsəncani, Rəfsəncaninin prezedenliyi dövründə ETTELAAT-a başçılıq edən  Əli Fəllahian və keçmiş xarici işlər naziri Əli Əkbər Vilayəti,İran İnqilab Keşikçiləri Qvardiyasının keçmiş komandanı Möhsün Rzai, eləcə də  Möhsün Rəbbani, Əhmədrza Əsgəri və Əhməd Vahidi yəhudilərin xeyriyyə mərkəzində törədilmiş partlayışda günahlandıraraq ,onların tutulması üçün İnterpola müraciət edib.

Əhməd Vahidinin adı 1996-cı ildə ABŞ-ın (Amerika Birləşmiş Ştatlarının) Səudiyyə Ərəbistanındakı hərbi kazarmasının partladılmasında da çəkilir. «Başen Xobra»nın partladılması nəticəsində 19 amerikalı hərbçi həlak olmuşdu.

«Jerusalem Post»-un məlumatına əsasən, Boliviyanın xarici işlər naziri argentinalı həmkarına nota göndərərək, ondan Ə.Vahidinin ölkəsinə  buraxıldığına görə üzrə istəyib. Nazir baha sonra bildirib ki, Boliviya hökuməti yaranmış bu təəssüfləndirici, xoşagəlməz hadisəyə görə, Argentina hakimiyyətinə üzrxahlıq üzrxahlıq etməklə bərabər Əhməd Vahidi və onun başçılıq etdiyi İran nümayəndə heyətinin dərhal bu ölkəni tərk etməsi üçün ciddi tədbir görüb.

Beləliklə, Ə. Vahidi və onu müşayiət edən İran nümayəndə heyətinin üzvləri Boliviyaya rəsmi səfəri yarımçıq qoyaraq mayın 31-i gecə saatlarında bu ölkəni tərk edib.

Maraqlıdır ki, Tehran hakimiyyətinin sanksiyalı təmsilçiləri dünyanın istəilən ölkəsinə hələ də sərbəst gedib –gələ bilir. Bu yaxınlarda İslam Respublikasının (Cümhuriyyətinin) xarici işlər naziri Əliəkbər Salehiyə qarşı Avropa Birliyinin tətbiq etdiyi yasaq da aradan götürülüb.

Bu baxımdan hesab etmək olar ki, sanksiyanın sərtələşdirilməsidə maraqlı olanların etraz olmazsa, İran rəsmiləri ist inlən ölkəyə sərbsət gediş-gəliş edəcək, bu isə yasaqların təsirini heç endirə bilər.

Argentinanın timsalında bu özünü doğruldu. Düzdür, onu bu etirazı konkert olaraq, bəlli sanksiyalarla bağlı deyil. Ancaq bu terrorçu ilə danışıqlar aparmamağa dair bir örnəkdir. İnterpol-un axtarışında olduğu üçün əsliində Boliviya hakimiyyəti onu təhvil verməli idi. Görünür, Qərb və Şərqli olmasınadan asılı olmayaraq, dünya dövlətləri qanunun aliliyinin təmin edilməsi baxımdan da bu səviyyəyə çatmayıb…

Yeri gəlmişkən cari  aprelin 14-də Avropa Birliyi İranın 32 dövlət rəsmsinə birlik ölkələrinə viza verilməsini yasaqlayıb, onların həmin dövlətlərdəki bütün əmlakına həbs qoyulub.İnsan haqlarına pozuduğuna görə, sanksiyaya məruz qalan İslam Respublikası məmurları bunlardır:

İran hüquq mühafizə qüvvələrinin komandanı İsmayıl Əhmədi Müqəddəm, qvradiyanın üzvü, “Ənsari hizbullah” qrupunun rəisi Hüseyn Allahkərəm, qvardiya quru qoşunları komandanın müavini Abdulla İraqi,“bəsic” komandanının müavini Əli Fəzli,Tehranın “Məhəmməd Rəsulullah” ordusunun komandiri Hüseyn Həmədani,İran İnqilab Keşikçiləri Qvariyasının komandanı Məhəmmədəli Cəfəri, qvardiya komandirlərindən, Əli Xəlili,Tehran əyalətinin “Seyidüşşühəda” ordusunun komandanı Bəhram Hüseyni Mütləq, «bəsic» komandanı Məhəmmədrza Nəqdi,İran təhlükəsizlik polisi komandanının müavini Əhmədrza Radan,Tehran hüquq mühafizə qüvvələrinin keçmiş komandanı Əzizullah Rəcəbzadə,Tehran hüquq mühafizə komandirlərindən - Hüseyn Sacidiniya, «bəsic»in keçmiş komandanı Hüseyn Taib,İnqilab Məhkəməsinin Məşhəddəki rəisi Seyid Həsən Şəriəti,İranın keçmiş baş prokuroru Qurbanəli Dürri- Nəcəfabadi, İnqilab Məhkəməsinin Tehrandakı  26-cı şöbəsinin hakimi Həsən Həddad (İlyas Həsən Zari- Dehnəvi), İnqilab Məhkəməsinin Məşhəddəki hakimi Seyid Məhəmməd Sultani, İnqilab Məhkəməsinin Tehrandakı hakimi Əli Əkbər Heydərifər,Tehran prokuroru (dadistanı) Abbas Cəfəri Dövlətabadi, İnqilab Məhkəməsinin Tehrandakı 28-ci şöbəsinin hakimi Məhəmməd Moqisə,İranın baş prokuroru Qulamhüseyn Möhsüni- Ejei (ETTELAAT-ın keçmiş başçısı),Tehranın keçmiş prokuroru Səid Mürtəzəvi, Tehran İnqilab Məhkəməsinin 26-cı və 28-ci şöbəsinin hakimi Abbas Pirabbasi,Məşhəd prokurorunun köməkçisi Əmir Mürtəzəvi,İnqilab məhkəməsinin 15-ci şöbəsinin rəisi və hakim Əbülqasım Sələvati,Şərqi Azərbaycan əyalətinin ədliyyə təşkilatının rəisi Əjdər Mələk Şərifi, Apellyasiya Məhkəməsinin Tehrandakı 36-cı şöbəsinin hakimi Əhməd Zərgər, İnqilab Məhkəməsinin Məşhəddəki hakimi Əli Əkbər Yəsaqi,Tehrandakı “Evin” zindanının 350-ci korpusunun rəisi Mustafa Bozorgniya,İran Zindanlar Təşkilatının məsulu Qulamhüseyn İsmayıli,Tehrandakı zindanlar Təşkilatının baş direktorunun köməkçisi Fərəcullah Sədaqət ,Zindanlar Təşkilatının rəisiinin köməkçisi Məhəmmədəli Zənciri.

Bu şəxslər avropalıların təhlükəli saydağı şəxslərdir.

Sədrəddin Soltan