GünAz TV: Tehran hakimiyyəti ərəb dövlətlərində baş verən inqilabları müəyyən mənada dəstəklədiyini bəyan etsə də, əslində  bu yöndə verilən bəyanatların daha çox söz yığını olduğu İran rejiminin sonrakı davranışı ilə bəlli olur.

«MIGnews»-un məlumatına əsasən, Küveytdə çıxan «əl-Siyassah» qəzeti yazıb ki, İran və Livandakı (Lübnandakı) «Hİzbullah»a işləyən casus şəbəkəsi aşkarlanıb.

Bu xəbər mətbuata iki ay sonra sızıb. Küveytin hərbi tribunalı başqa bir casus şəbəkəsinin üzvü olan iki iranlının məhkəməsindən sonra bəlli olub. 2010-cu ildə aşkarlanan bu şəbəkənin üzvlərinə edam hökmü çıxarılmışdı.

«əl-Siyassah» yazdığına görə, bu cinayət işi «son dərəcə gizli şəkildə» aparılır. Şəbəkə ilə bağlı məlumat yalnız onun üzvlərindən birinin Küveyt kəşfiyyatının zabiti olduğu haqda məlumat yayılıb. Həmin şəbəkəyə İran, Suriya, Livan və Küveyt vətəndaşları daxildir. Həmin qrupun həm də Livan «Hizbullah»sına işlədiyi aşkar edilib.

Qəzet daha sonra yazıb : «Şəbəkənin üzvlərri Bəhreyndə xaosun (hərc o mərc) və vətəndaş savaşının başlamasını gözləyirmiş. Həmin vaxt qrup Küveytdə də qiyamı və qarşıılğı təşikl etməli imiş. Axtarış zamanı əldə edilən materiallara (sənədlərə) əsasən, şəbəkə üzvləri Küveytin həyati vacib obyektlərdə (məkanlarda, təsisatda) və ticarət mərkəzlərində bir neçə terror aksiyası keçirməyi planlaşdırıbmış (tərh tökürmüş). Onların aksiyasının hədəflərindən biri  həm də ölkə əhalisini kütləvi terror məruz qoymaq imiş. Tutulanların ehtirafına əsasən, şəbəkənin fəaliyyəti Küveytlə mədudlaşmırmış. Onlar Körfəz Ölkələri Əməkdaşlıq şurasının üzvü olan dövlətlərdə də terror aksiyası gerçəkəşdirmək niyyətində olublar».

Misirdə Hüsnü Mübarək dövrünün başa çatmasından İran hakimiyyəti də sevinirdi. Məlum olaylardan sonra tərəflər iki tərəfli əlaqələri genişləndirəcəkləri barədə bəyanatlarla çıxış edib.

Ancaq həftənin sonunda iranlı diplomat Seyid Kazım əl-Hüseyninin casusluqda şübhəli bilinərək, həbs edildiyi haqda məlumat yayılıb. Misirdə çıxan «əl- Yaum əs-Sabiyyə» qəzetinin yazdığına görə, diplomat Misir və körfəz dövlətlərinin iqtisadi, siyasi və hərbi vəziyyətinə dair məlumatlar toplayıb, onları Tehrana ötürürmüş.

«əl-Ərəbiyyə» telekanalının yaydığı xəbərə əsasən, son zamanlar Misirdə yaranmış qarşıqlıqdan yararlanaraq, casusluq fəaliyyətini artırıb. Dindirmə zamanı  prokurorluq S.K.əl-Hüseyninin qurduğu casusluq şəbəkəsinə daxil olanları müəyyənləşdirməyə çalışıb.

Qeyd edək ki, Misirlə İran arasında diplomatik əlaqələrin pozulması 30 ildən artıqdır. Bunun çeşidli səbələri olduğu bildirilir. Onlardan biri  İsraili Misirin tanması göstərilir. Son iki ildə isə Tehranla Qahirə arasında müəyyən «istilənmənin» olduğu görünməkdədir.

Bu xəbərdən sonra İran ETTELAAT-ının başçısı Heydər Müslehi məsələyə dair açıqlama verib. Onun sözlərinə görə, iranlı diplomatı Misir hakimiyyəti sərbst buraxıb, hətta «üzr də istəyib».

Ən maraqlısı isə ETTELAAT başçısının Misirdəki casus şəbəkəsi ilə bağlı yaranmış qalmaqala əlavə açıqlama bildirməməsidir.

Qahirə rəsmiləri isə bir müddət öncə bildirmişdi k, K. əl-Hüsyeni «arzuolunmaz şəxs» kimi  24 saat ərzində Misirdən çıxarılacaq.

Tehran hakimiyyəti yalnız Küveyt və Misirlə kifayətlənməyib. O, Suriyada etiraz aksiyalarını yatırılması üçün bu ölkəyə təlimatçı və avadanlıq (təchizat) göndərib.

«The Washington Post»-un məlumatında bildirilib ki, Suriyada hakimiyyət qarşı çıxışların davam etməsi ilə əlaqədar İslam Respublikası (Cümhuriyyəti) bu ölkəyə tərkibində İnqilab Keşikçiləri Qvardiyasının (Sepah) üzvləri olan çoxlu sayda təlmatçılar yollayıb.

Qəzetin yazdığına əsasən, bundan başqa İran Suriyaya çoxlu sayda silah və yüksək texnologiyaya malik müşahidə qurğusu göndərib.

Mənbə blidirib ki, müxalifətin ölkədən çıxarılması üçün iranlı mütəxəssislər Suriyanın xüsui xidmək orqanlarına yardım edirlər. İranın istifadə etdiyi avadanlıq nəticəsində müxalif düşüncəlilər «Facebook» və «Tiwtter» kimi ictimai şəbəkələrdən aşkarlanıb, ölkədən çıxarılır.

Amerkalı mütəxəssislərin məlumatlarına görə, İnqilab Keşikçiləri Qvardiyasının xüsusi taqımı, «əl -Qüds» Suriyada müxalifətin keçirdiyi aksiyaların qarşısının güc yolu ilə alınmasında xüsusi fəallıq göstərib.

Livan parlamentinin üzvü Muin əl-Mərxabinin sözlərinə görə, «Hizbullah» yaraqlıları Livandan Suriyanın Şimalına yola düşüb.

Tehran hakimiyyətinin davranışı onu göstərir ki, rejim bölgədə baş verənlərə islam «oyanışı» adı qoymaqla əslində həmin ölkələrə bu və ya şəkildə müdaxilə etmək üçün siyasi-ideoloji əsas hazırlayır. Casus şəbəkələri , qvardiyanın yardımı və başqa belə «yardımlar»la İran rəhbərliyi həm də Afrikanın Quzeyindən əsən rejim dəyişkliyi küləyindən özünü qorumağa çalışır…

Sədrəddin Soltan