Mirzə Xəzər: İranda Balaca bir islahat təşəbbüsü rejimin dağılmasına gətirib çıxara bilər (Müsahibə)

SON XƏBƏRLƏR

Mirzə Xəzər: İranda Balaca bir islahat təşəbbüsü rejimin dağılmasına gətirib çıxara bilər (Müsahibə)

2021.10.20, 07:36

Gunaz.tv

GünAz TV mətbuat mərkəzinin növbəti müsahibi, "Azadlıq" radiosunun Azərbaycan şöbəsinin keçmiş rəhbəri, tanınmış jurnalist Mirzə Xəzərdir.

- Bir ziyalı olaraq, hazırda güney Azərbaycanda cərəyan edən hadisələri izləyirsinizmi?

- Əlbəttə, cənubdakı hadisələri, milli fəalların mücadiləsini və rejimin qəddar əməllərini mütəmadi olaraq izləyirəm.

- Bu gün siyasi analitiklər (uzmanlar) ərəb ölkələrini bürüyən inqilab dalğasının İranı da vuracağını qeyd edilər. Siz, İranda yeni bir inqilabı prosesi görürsünüzmü?

- Xeyr, mən, ərəb ölkələrini bürüyən inqilabi dalğanın İrana real olaraq təsir edəcəyinə inanmıram. Ərəb dünyasındakı proseslər tarixən İrandakı vəziyyətə təsir etməyib və indi təsir edəcəyini düşünmək, məncə, yanlışdır. Cənubdakı soydaşlarımız buna ümid bağlayıb tələsik addımlar atması, fikrimcə, xoşagəlməz nəticələr verə bilər. Onsuz da İranda baş vermiş bütün inqilabların ön cəbhəsində canını vermiş azərbaycanlılar təəssüf ki, verilən vədlərin heç birini ala bilməmiş, əksinə daha amansız zülmə məruz qalmışlar. Ərəb “inqilabı”nın maraqlı cəhətləri var. İnqilab dalğası bütün ərəb ölkələrini yox, bəzilərini bürüyüb. Ərəb ölkələrinin hamısında avtoritar (müstəbid) diktatura rejimlərinin (sərt idarəçilik sistemi) hakimiyyətdə olmasına baxmayaraq, qəribədir ki, inqilab dalğası Səudiyyə Ərəbistanı, Bəhreyn, Kuveyt, Oman, Əbu Dabi kimi zəngin ərəb ölkələrinə, nədənsə təsir etməmişdir.

- İranda prezidentlə və dini rəhbər arasında ciddi qarşıdurmanın getdiyi məlumdur. Onlar nəyi bölə bilmirlər, məsələnin pərdəarxası mahiyyətində nə durur?

- Son məlumata görə, “küsülən”lər artıq barışıblar. Mən, İranda hakimiyyətdə olan rejimin mahiyyətində hər hansı dəyişikliyin olacağına, rejim daxilində əsl qarşıdurma yaranacağına inanmıram. İctimaiyyətin gözü qabağında oyun oynanır. İrandakı rejim islah edilə bilməz. Balaca bir islahat təşəbbüsü rejimin dağılmasına gətirib çıxardar ki, prezident və dini rəhbərlər buna yol verməzlər.

- İranda həmişə mühafizəkarlıq güclü olub. Hazırda amerika-qərb analitikləri (uzmanları) tərəfindən İranın demokratiləşməsi modeli gündəmə gətirilir. Necə düşünürsünüz qatı şiə ideologiyasına söykənən bir cəmiyyətdən, demokratik cəmiyyətə keçmək mümkündürmü?

- Xeyr, bu iki ideologiyanın, necə deyərlər, “dinc yanaşı” yaşaması qeyri-mümkündür. Buna inananlar xeyirxah, amma xəyalpərəst insanlardır.

Söhbətləşdi: Elnur Eltürk

GUNAZ.TV

SON XƏBƏRLƏR