Həmsədr ölkələr birgə Bəyanat qəbul ediblər

SON XƏBƏRLƏR

Həmsədr ölkələr birgə Bəyanat qəbul ediblər

2021.10.20, 07:36

Gunaz.tv

GünAz TV: Rusiya, ABŞ (Amerika Birləşmiş Ştatları) və Fransa prezidentləri Dmitrii Medvedev, Barak Obama və Nikola Sarkozi Dağlıq Qarabağ münaqişəsinin nizamlanması üzrə birgə bəyanat qəbul ediblər.

Minsk Qrupu həmsədri olan dövlətlərin başçıları Azərbaycan və Ermənistan liderlərini "əhalini müharibəyə yox, sülhə hazırlamağa" və iyunda keçiriləcək sammit (zirvə görüş) zamanı nizamlamanın əsas prinsipləri (əslləri, ilkələri) üzərində işi başa çatdırmağa çağırıblar. "Razılıq nə vaxt əldə olunsa, biz bu prinsiplərin formal qəbuluna şahidliyə, sülh sazişinin hazırlanmasına yardım etməyə və onun yerinə yetirilməsini beynəlxalq tərəfdaşlarımızla dəstəkləməyə hazırıq", - deyə bəyanatda vurğulanır.

GünAz TV mətbuat mərkəzinin “Həftə içi”-nə istinadən yaydığı məlumata görə, Bəyanatda qeyd olunur ki, münaqişə tərəfi olan ölkələrin başçıları siyasi iradə nümayiş etdirməlidirlər: "Biz tərəfləri iyunda keçiriləcək Ermənistan-Azərbaycan sammiti zamanı Dağlıq Qarabağ münaqişəsinin həlli üzrə əsas prinsiplər üzərində işi başa çatdırmağa çağırırıq. Biz təsdiq edirik ki, yalnız danışıqlar yolu ilə nizamlama sülhə, sabitliyə və barışığa gətirib çıxararaq regional (bölgəsəl) inkişaf və əməkdaşlıq üçün imkanlar açır". ABŞ, Rusiya və Fransa prezidentləri Dağlıq Qarabağ münaqişəsinin bütün tərəflərinin sülh nizamlamasına doğru addım atması üçün vaxtın yetişdiyinə əmin olduqlarını söyləyiblər. ATƏT-in (Avropa Təhlükəsizlik və Əməkdaşlıq Təşkilatının) Minsk Qrupunun həmsədr ölkələrinin prezidentləri qeyd ediblər ki, hazırkı qarşıdurma və qeyr-sabitlik vəziyyətinin yaranmasına güc tətbiqi səbəb olub. "Onun təkrar tətbiqi yalnız yeni bəlalar və səfalət gətirəcək və beynəlxalq ictimaiyyət tərəfindən pislənəcək. Biz tərəflərin liderlərini təkidlə əhalini müharibəyə deyil, sülhə hazırlamağa çağırırıq", - Medvedev, Obama və Sarkozi qeyd ediblər. Onlar bildiriblər ki, "tərəflərin, eləcə də həmsədr ölkələrin bütün səviyyələrdə göstərdikləri səylər nəticəsində əhəmiyyətli irəliləyiş əldə olunub". "Martın 5-də Soçidə müzakirə edilən əsas prinsiplərin son versiyası ümumi qəbul edilən sülh nizamlamasının hazırlanması üçün ədalətli və balanslaşdırılmış təməl yaradır", - birgə bəyanatda qeyd edilib. Prezidentlərin fikrincə, bu sənəd "tərəflərə işlərin indiki qəbuledilməzliyini aradan qaldırmağa imkan verir".

GUNAZ.TV

SON XƏBƏRLƏR