GünAz TV mətbuat mərkəzinin növbəti müsahibi, Türkiyədən “Anayurd” qəzeti və “habermedyatürk” saytının köşə yazarı Zaur Bayramlıdır.

- Ankarada 2006-ci il 22 May (Xordad) hadisələrinin 5-ci ildönümü ilə bağlı keçirilən aksiyanı (yürüşü) türk mətbuatı geniş işıqlandırdı. Əvvəllər biz bu xətti görmürdük və Türkiyə mətbuatı Güneyə diqqət ayırmırdı. Hazırda Güney məsələsinə diqqət artır. Sizcə, bu nə ilə bağlıdır?

- Bəli, bizim də həmişə Türkiyə mətbuatıdan şikayətimiz bu olub ki, Güney Azərbaycanlı qardaşlarımızın səsinə yetərincə səs vermirsiniz, İradan onlara edilən zülmləri işıqlandırmısınız.

Ancaq bu dəfə ki, münasibət, aksiyamızın mətbuatda işıqlandırılması bizi məmnun etdi. Bu həm aksiyaya ciddi hazırlaşmağımızla bağlıdırsa, digər tərəfdən isə mənim təxminimə görə, yaxın zamanlarda İran ciddi hadisələrin olacağı ilə türk mətbutanın və Türkiyə dövlətinin əlində önəmli bilgilərin olması ilə də bağlı ola bilər.

- Ümumiyyətlə, bu gün Türkiyənin ictimai-siyasi qurumları, beyin mərkəzləri Güney Azərbaycan məsələsi ilə görüşləri nədən ibarətdir?

- Bu məsələyə fərqi yanaşmalar var. Ona görə də sualınıza birmənalı cavab vermək bir qədər çətindir. Siyasi-ideoloji dünyagörüşündın asılı olaraq müxtəlif mərkəzlər Güney məsələsinə baxış sərgiliyirlər. Bir çox mərkəzlər İranla münasibətlərdə bir az ehtiyatlı davranırlar. Bir çoxları İranın bütövlüyünü saxlanılmasını, ancaq İranda türklərin hakimiyyətə gəlməsi siyasətini müdafiə edirlər. Az bir kəsim isə Güney Azərbaycanın müstəqilliyini tərəfdardılar. Ancaq mən inanıram ki, zaman keçdikcə və xüsusilə, bizlər burada təbliğatımızı gücləndircə Türkiyədə Güney Azərbaycanın istiqlalını istəyənlərin sayı artacaq. Bu, həm də Güney Azərbaycanda bizim nə şəkildə təşkilatlanmağımızdan asılıdır.

- 22 May hadisələri Güney Azərbaycan Milli Hərəkatının tarixində hansı izləri buraxdı?

- May hadisələri, və yaxud Güneyli qardaşlarımızın sözü desək, Xordad olayları Güney Azərbaycan Milli Hərəkatının çox önəmli bir mərhələnin başlanacığının əsasını qoymuş oldu. Belə ki, bu hadisələrdə qığılcım rolunu oynayan karikatura və yazı, əslində farsların millətimizə qarşı o illər boyunca təbliğ etdikəri təhqir və aşağılanma siyasətinin bu ölkənin rəsmi bir tribunasından ifadə edilməsi idi. Bununla qəti şəkildə məlum oldu ki, farslar bizi nə gözündə görür və artıq onlarla birlik və bərabərlik içində yaşamanın mümkün olmadığı millətimizə aydın oldu. O vaxta qədər bir çox güneyli insanımız İran daxilində müəyyən milli haqlar əldə etmək uğrundan mübarizə aparırdısa, may olaylarından sonra artıq insanlarımız da Güney Azərbaycanın müstəqillik ideyasını müdafiə etməyə başladılar. Dolayısı ilə bir mənada mübarizə türk-fars müstəvisinə keçdi.

Söhbətləşdi: Elnur Eltürk