Contact Us

SON XƏBƏRLƏR

Suriya prezidentinin qara günləri başladı

2021.10.20, 07:36
Suriya prezidentinin qara günləri başladı

Gunaz.tv

GünAz TV: Avropa onun adamlarına qarşı sanksiyaları (təhrimləri)  qüvvəyə mindirdi. ABŞ (Amerika Birləşmiş Ştatları) səfiri Suriya prezidentinin ünvanına ağır ittihamlar səsləndirdi.

Suriya rejiminə qarşı Avropa Birliyi tərəfindən qəbul edilmiş sanksiyalar dünəndən etibarən qüvvəyə minib. Sanksiyalar Suriyaya silah satılmasını və prezident Bəşər Əsədə yaxın 13 nəfərə qarşı viza qadağasını əhatə edir. Viza qadağası ilə yanaşı, həmin 13 nəfərin Avropada mövcud olan bank hesabları da dondurulub. Qara siyahının başında Bəşər Əsədin qardaşı Mahirin adı gəlir. O hazırda Suriyanın Respublika Qvardiyasına (cümhuriyyət qardına) başçılıq edir. Brüssel həmçinin xəbərdarlıq edib ki, Suriya rejimi lazımi nəticə çıxarmazsa, gələcəkdə sanksiyalar Bəşər Əsədin özünü də əhatə edəcək. Xatırladaq ki, Suriyada Bəşər Əsədin istefasını tələb edən etiraz aksiyaları martın 18-dən etibarən başlayıb. Bəşər Əsəd rejiminin qoşunları Deraa şəhərində ifrat zorakılığa yol veriblər. Hüquq müdafiəçilərinin hesablamalarına görə, rejim qüvvələri indiyə qədər ən azı 700 adamı qətlə yetiriblər.

Amma sanksiyalara baxmayaraq, Bəşər Əsəd Qərbi qəzəbləndirə biləcək daha bir addıma da imza atıb. Rejim əvvəlcədən razılaşdırılsa da, BMT-nin (Birləşmiş Millətlər Təşkilatının) humanitar (insan sevər) missiyasını (görəvini) Deraa şəhərinə burxmayıb. Missiyanın Deraa şəhərinə baş çəkməsi barədə razılaşma Bəşər Əsədlə BMT-nin baş katibi Pan Gi Mun arasında telefon söhbəti zamanı əldə edilmişdi. BMT-nin nümayəndəsi Fərhan Haka bildirib ki, Suriya bu razılaşmanı pozub: «BMT-nin nümayəndə heyəti humanitar vəziyyəti qiymətləndirmək üçün Deraa şəhərinə daxil ola bilmədi. Biz Suriya hakimiyyətindən bununla bağlı izahat almağa çalışırıq». Bəşər Əsəd rejimi bu hərəkəti ilə əslində müxalifətin və hüquq müdafiəçilərinin Deraa şəhərində baş verənlərlə bağlı verdikləri açıqlamaları təsdiqləmiş olub.

Bu arada ABŞ-ın (Amerika Birləşmiş Ştatlarının) Suriyadakı səfiri Robert Ford Bəşər Əsədə qarşı ağır ittihamla çıxış edib. O, Əsəd rejimindən «Hizbullah» terror təşkilatına verdiyi dəstəyə son qoymağı tələb edib: «Suriyanın «Hizbullah»a silah və hərbi ləvazimat göndərməsi barədə əlimizdə informasiyalar var». Səfir həmçinin Bəşər Əsəddən dinc nümayişçilərə qarşı zorakılığa son qoymasını da tələb edib. Bizim yol

SEÇİLMİŞ XƏBƏRLƏR

Çox oxunanlar