GünAz TV: İranda hakimiyyətiçi qüvvələrə münasibət heç də bir mənalı deyil. Düzdür, bu qüvvələri dünya ictimaiyyəti üçün təhlükəli sayır. Amma bununla belə onlardan birini o birindən fərqləndirməyə çalışanlar da tapılır.

«MIGnews»-un məlumatına əsasən, İsrailin baş naziri binyamin Netaniyahu Hüsamə bin-Ladənin öldürülməsi ilə bağlı Si-eN-eN-ə müsahiəbsində deyib ki, İranın ali rəhbəri ayətullah Xamneyi bu ölkənin prezidenti Mahmud Əhmədinejaddan daha  təhlükəlidir: «O, ölkəsini fanatikliklə (ifrati təəssüb) idarə edir. İran rejimi atom bombası əldə etsə o zaman tarixin gedişatında dəyişiklik olacaq. Hazırda yalnız Yaxın Şərqin deyil, dünyanın gələcəyi, taleyi həllə olunur».

O, Tehran hakimiyyətinə qarşı sanksiyaları (təhrimləri) sərtləşdirməyə  çağırış edib: «Ən təhlükəli hal hərbi mahiyyətli İran rejiminin nüvə silahı əldə etməsi, yaxud islam adlı istənilən ekstremist (ifrati) qrupların belə bir silahı ələdə edə bilməsidir».

Görünür, İsrail hökuməti daxilində də İran İslam Respublikasının (Cümhuriyyətinin) hakimiyyətinə münasibət az da olsa fərqlidir. İsrailin baş naziri Ehud Barak ölkəsində çıxan «Haarets» qəzetinə müsahibəsində müxbirin «İran İsrailə nüvə bombası atacaq» sualına cavabında bunları söyləyib: «Fikrimcə, nə bizim, nə də qonşularımızın çaxnaşmaya düşməyimizə əsas yoxdur. Məsələn, tutaq ki,  Pakistan dağıldı və bir neçə bomba düşdü İranın əlinə düşdü. Nə edəcəksini? Ölkəyə girişi bağlayacaqsınız?Fikrimcə, bu doğru davranış deyil. Biz Yaxın Şərqdə hələ də ən güclü dövlətik».

Bununla belə Barak İran «ayətullahlarının ağlına gələcək fikirə də ehtiyatla» yanaşdığını bildirib : «Məncə, ayətullahlara da bu məsələdə güvənmək olmaz. Çünki nüvə bombası əldə edəcəkləri halda onların atacağı addımı proqnozlaşdırmaq (öngörmək, pişbini etmək) mümkün deyil.Onlar nə Pentaqon, nə də Siyasi Bürodur (keçmiş Sovet İttifaqı Mərkəzi Komitəsi Siyasi Bürosunun nəzərdə tutur-S.S.). Fikrmcə, nə qədər ki onların ağılları başındadır, işlər qaydasında gedəcək. Kim deyir ki, onlar terandakı bunkerdə oturub, rejimin ömrünü başa vurmasını gözləyəcəklər?».

E.Barakın fikrincə, «ərəb dövlətlərinə gələn yaz» yalnız bu dövlətlərdəki despotları (nüstəbidlər) deyil, İran rejimini də «süpürəcək»: «Fikrmcə, biz İranda daxil olmaqla Yaxın Şərq dövlətlərindəki tiranların dövrünün başa çatmasının şahidyik».

Görünür, İsrailin baş naziri Əhmədinejada rəğbəti təsadüfi deyil. Çünki İran prezidenti fashist Almanyaisının yəhudi soyqımırını «əfsanə», habelə «İsraili dünyanın siyasi xəritəsidən silməyə» çağrış edib. Bu baxımdan onda rəğbəti oyadanın İsfəndiyar Rəhim-Məşainin olduğunu ehtimal etmək olar. Ötən həftə prezident aparatıının  başçısı vəzifəsindən azad edilmişvə həbs olunmuş Əhmədinejadın qohumu R.Məşai

Çıxışlarından birində o, «İran btün millətlərin, o cümlədən İsrailin dostudur» demişdi. Bundanbaşşqa İ.Məşai israilyönlü çıxışlarına görə, dəfələrlə paralment üzvləri tərəfindən, qınanıb.

O, panfarsçılığı təbilğ edənlərdən də olub. R.Məşşai xarici ölkələrin birində iranlılarla görüşdə deyib: «İslam mövzusunda müxtəlif anlayışlar var. Amma İslamın və İranın həqiqəti İran təlimidir. O halda biz bundan sonra dünyaya İran təlimini tanıtmalıyıq».

«İran təlimi» anlayışı altında müşavir İsfəndiyar Rəhim-Məşşai əslində «İran mərkəzli fars düşüncə sistemini» nəzərdə tuturdu. O, bunu «yeni  ideya» adlandıraraq, təbliğatının vacib olduğunu vurğulayır. Apparat rəhbəri təbliğat zamanı fars şovnisti Firdvösinin uydurma qəhrəmanlarının adlarını çəkərək, «bu gün iranlıların hamısı  «Arəş», «Rüstəm», «İsfəndiyardırlar» demişdi.

Hakimiyyətdə təmsilçiləri arasında buna mənfi münasibət bildirənlər də olmuşdu.

Mütəhhərri soyadlı İran parlamentinin üzvü də Məşşainin «biz Rüstəmin, Areşin uşaqlarıyıq»- fikrinə münasibət bildirərək, demişdi : «Görəsən, bundan sonra İslamın yerinə, İrandanmı danışacağıq? İnqilabımızın ideoloji və İslami mahiyyəti, irqçi bir mahiyyətəmi çevriləcək? Şəhidlərin ağası Həmzənin, İmam Əlinin (ə), Hüseyn ibn - Əlinin (ə), Malik Əştərin, Əmmar Yasirin, Əbülfəzl Abbasın, Salmanın, Əbuzərin, Miqdadın yerinə bundan sonra «Rüstəm», «Siyavuş», «İsfəndiyar» və «Areş»mi bizim modelimiz olacaq?"

İran ordusu qərargahının rəisi, general Seyid Həsən Firuzabadi isə prezident müşavirinin söylədiyini «azğınlıq» adlandırmışdı : «Bu cür açıqlamalar milli təhlükəsizliyə, o cümlədən müqəddəs İslam Respublikası (Cümhuriyyəti) ilə yanaşı, islam inqilabına həmlədir».

Məşşai qərargah rəisinin dediklərinə belə münasibət demişdi: «Mənə qarşı irəli sürdüyü ittihama görə, mənim də onunla bağlı məhkəməyə müraciət edtmək hüququm var. İctimaiyyəti düzgün məlumatlandırmaq üçün bu addımım atacağam. Bu işdə Allahımın yardımı mənə yetərlidir».

Qeyd edək ki, İran prezidenti M.Əhmədinijat baş verən hadisədə müşavirini qohumunu etmişdi : «O, çox aydın danışıb. Əsil Məhəmməd İslamının İran olduğu bir həqiqətdir və islam tarixində və mədəniyyətinjə danılmaz rola malikdir. Bu ifadələrin isə milliyyətçiliklə heç bir əlaqəsi yoxdur. Əksinə, bu böyük nemətə görə, Allaha şükür etməyin bir ifadəsidir».

Parlamentlə prezident arasında bu və ya başşqa məsələ ilə bağlı çəişmə getməkdədir. 2009-cu ilin prezident seçkisindən sonra yenidən bu postu yiyələnən Əhmədinejad qohumunu özünü müavin təyin etmək istədi. Ancaq o zaman məclis üzvləri İ.Məşaini bu vəzifəyə layiq bilmədi. Odur ki, Əhmədinejad onu aparatına rəhbər təyin etdi.

M.Əhmədinejada rəğbəti həm də onun ətrafında İsraillə xoş münasibət qurmaq istəyənlərin az olmaması ilə əlaqəlndirmək olar.

2008-ci ildə Nyu-Yorka səfəri zamanı ABŞ-dakı (Amerika Birləşmiş Ştatlarındakı) yəhudi icması İslam Respublikasında yaşyan soydaşlarına yaxşı münasibətə görə, İran prezidenti M.Əhmədinejada «dostluq nişanəsi» olaraq, 70 dollarlıq gümüş kubok bağışlamışdılar.

Ravvin İsrael Vays da həmin törənə qatılmış və çıxış etmişdi: «Biz İran prezidentinə yəhudilərə ggöstərilən xoş münasibətə görə təşəkkür etdik. Biz bilirik ki, o, yəhudi xalqını düşməni deyil. İranda yaşayan yəhudi icmasına yaxşı münasibət buna sübutdur».

İki il öncə, Tehran meriyası (Tehran Şəhrdarisi) şübhəli şəkildə ölkəyə gətirilib satışa çıxarılan İsrail portağallarını bazarlardan yığışdırması barədə açıqlama yaymışdı.

Onda paytaxtın meyvə-tərəvəz bazarları təşkilatının baş direktoru Səfai jurnalistlərə açıqlamasında portağalları Çin istehsalı adıyla naməlum şəxslərin gətirdiyini demişdi.

Səfai meriya əməkdaşlarının meyvə-tərəvəz bazarlarında satışa buraxılan portağalları tez bir zamanda yığışdırdığını, malı kimlərin və necə gətirməsi barədə araşdırmaya başlandığını vurğulamışdı. Ancaq bu araşdırmadan indiyə kimi xəbər yoxdur. 

Elə həmin il İsrailin Atom Enerjisi nümayəndəsinin  İran rəsmiləri ilə nüvə məsələlərini müzakirə etdiyi haqda məlumat yayılmışdı.

Onda BBC İsrailndən xəbərə verərək, bildirmişdi ki, bu təmaslar 2 tərəfli danışıqlar çərçivəsində deyil,  Nüvə Tərksilahı və Kütləvi Qırğın silahının Yayılmaması mövzusunda keçirilən geniş tərkibli Beynəlxalq Forumda baş verib.

Tədbirdə İsrail Atom Enerjisi Komisyasının rəhbəri və İranın beynəlxalq Atom Enerjisi Agentliyindəki təmsilçisi də iştrak etmişdi.

Məlumat da oda bildirilirdi ki,  İsrail rəsmilərinə, yeni detallar (yeni coziyyat) açıqlanmayana qədər, sövdələşmə haqqında danışmamaq tapşırığı verilib.

Nəzər almaq lazımdır ki, bu xəbərlərdən birincisi İranda prezident seçkisindən iki ay öncə, o biri isə seçkidən 3 ay sonraya aiddir.

Elə İranın keçmiş prezidenti, hazırda mövcud rejemə müxalif kimi təqdim olunan Haşimi-Rəfsənsanin də püstə bağlarının məhsullarının İsraildə satıldığı barədə məlumatlar yayılırdı.

Bu sayaq münasibətlərə əsasən belə bir ehtimal irəli sürmək olar – hakimiyyətlər biri-biri ilə alver edib, danışar bilər, yasaqlar və «İsrailə ölüm!» şüarı adi insanlar üçün uydurulub…

Sədrəddin Soltan