GünAz TV mətbuat mərkəzinin növbəti müsahibi, Danimarka parlamentinin üzvü Hüseyn Aracdır.

- İyun ayında Rusiyada Azərbaycan və Ermənistan prezidentlərinin baş tutacaq görüşündə hansısa qərar qəbul edilməsi gözlənilirmi və ya bu görüş münaqişənin həll edilməsi istiqamətində irəliləyişə səbəb ola bilərmi?

- Azərbaycan və Ermənistan rəhbərlərinin Rusiyanın iştirakı ilə baş tutacaq görüşü diplomatik bağların və diaoloqun davam etdirilməsi baxımıdan müsbət baxıram. Hesab edirəm ki, bu görüş proseslərin inkişafına səbəb baxımından yüksək dəyərləndirirəm. Ancaq əsas olaraq, bu görüşdə hansısa nəticənin gözləmək və ya qərarın qəbul edilməsini indidən demək çətindir. Buna baxmayaraq, belə diplomatik görüşmələr münaqişənin həllinin sülh yolunda fayda verə bilər və inanıram ki, problem öz həllini tapacaq. Çünki Rusiyada münaqişənin uzunması və dalana dirənməsi, onlar üçün də gələcəkdə hansı çətinliklər yaradacağının fərqindədirlər.

- Ümumiyyətlə, Rusiyanın təşəbbüsü ilə aparılan danışıqlara və xüsusilə, sülhyaratma təşəbbüsünə nə qədər inanmaq olar?

- Ümumiyyətlə, bölgəyə yaxın dövlətlərin təsir imkanları daha genişdir. Bölgənin əsas güc sahibi Türkiyə və s. dövlətlərin bu görüşmələrə qatılması və dəstək nümayiş elətdirməsi, münaqişəni həllinə yaxşı təsir edə bilər. Rusiya, Türkiyə, birgə təşəbbüsü ilə münaqişənin həllinə stimul (güc) vermək olar. Bu ölkələr bölgəyə əsgəri, iqtisadi-sosial və siyasi mənfəətləri ilə deyil, Azərbaycan və erməni xalqlarının sülh, dinc vəziyyətlərinin yaxşılaşdırılmasına dəstək verməlidilər. Onu qeyd edim ki, münaqişənin uzun illər davam etməsi, bu ölkələrində maraqlarına cavab vermir və bölgədə sağlam inkişafının qarşısını alır. Belə olan halda münaqişənin uzanması ətraf bölgələr üçün də təhlükə vəziyyət yaradır. Xüsusilə, etnik separtçılıq (bölücülük) dalğasının genişlənmə ehtimalı da mümkündür. Onlar münaqişənin həll edilməsində maraqlı olmalıdırlar və hər şeydən öncə münaqişənin həlli bu dövlətlərin iqtisadi mənfəətlərinə müsbət mənada təsir edəcək.

- Xüsusilə, rusiya və qərb uzmanları bölgədə müharibə təhlükəsi ilə bağlı həyacan sinqalı çalırlar. Siz, bölgədə müharibə işartılarını görürsünüzmü?

- Mən belə düşünürəm ki, bu gün Azərbaycan xalqına qarşı həyata keçirilən işğal və hücuma son qoyulmalıdır. Azərbaycan torpaqları işğaldan azad edilməli və Qarabağ bölgəsinin təhlükəsizliyi qarantiya alınıb, orada həyat rifahı bərpa olunmalıdır. Məsələ qarşılıqlı anlayış və ədalətin qorunub sağlanılması prinsipi (əsl, ilkə) çərçivəsində olmalıdır və bu mənim kimi, bir çox insanlarin istəyi və arzusudur. Ermənistan siyasətçiləri daxil olmaqla sadə vətəndaşlar bilməlidirlər ki, münaqişənin uzunması onlara sərf etmir və ən çox əziyyət çəkən tərəf Ermənistandır. Bütün iqtisadi layihələrdən kənar qalmaqla, İrəvan heç nə qazanmır və ildən-ilə geriyə doğru addımlayır.

- Ancaq buna baxmayaraq, bu gün Ermənistan və separtçı (bölücü) rejim beynelxalq hüquqa zidd olaraq Xankəndi aeroportunun (hava limanı) tikintisini davam etdirir...

- Ermənistan və separtçı rejimin bu addımı beynelxalq hüquqa ziddir. Dağlıq Qarabağın hava məkanının və digər ərazilərin Azərbaycana məxsus olduğunu bütün dünya bilir. İndi də bu addımın atılması bölgədə vəziyyəti daha da çətinləşdirə bilər. Əgər, separtçı rejim beynelxalq hüququn subyekti olaraq tanınmırsa, bu, aeroportun tikintisinin nə xeyri var?

Üstəlik, Ermənistan rəhbərliyi bunu yaxşı bilməlidir ki, bölgədə müharibə potensialı güclənməkdədir. Bu, müharibənin sosial-iqtisadi cəhətdən zəif olan Ermənistana hansı problemlərlə nəticələnə biləcəyini ölkə siyasətçiləri yaxşı bilirlər. Mən, inanıram ki, proseslər müharibə vəziyyətinə kimi gəlib çıxsın.

Söhbətləşdi: Elnur Eltürk