Contact Us

SON XƏBƏRLƏR

Bin ladenin ölümü ilə bağlı yeni məlumatlar

2021.10.20, 07:36
Bin ladenin ölümü ilə bağlı yeni məlumatlar

Gunaz.tv

GünAz TV: Usama bin Ladenin öldürülməsi ilə bağlı xəbərlər arasında diqqət çəkən məqamlar ortaya çıxıb.

Belə ki, ABŞ (Amerika Birləşmiş Ştatları) “Əl-Qaidə” liderinə qarşı əməliyyat planı barədə Pakistan rəhbərliyini xəbərdar etməyibmiş. Birləşmiş Ştatlar bununla informasiya sızıntısının qarşısını almaq istəyib.“Taym” jurnalına müsahibəsində məsələyə aydınlıq gətirən Mərkəzi Kəşfiyyat İdarəsinin direktoru Leon Panett deyib ki, Amerika rəhbərliyi Pakistanla əməkdaşlıq zamanı əməliyyatın uğurunu təhlükə altına qoya bilərdi.

Ağ evin nümayəndəsi Cey Karni Bin Laden öldürülərkən silahsız olduğunu bildirməklə yanaşı onu da nəzərə çatdırıb ki, həmin an evdə iki qadın olub. Onlardan biri xüsusi təyinatlı döyüşçünün üzərinə atılıb və atəşlə ayağından yaralanıb.  Bir müddət öncə Bin Ladenin bu qadını canlı sipər kimi istifadə etdiyi deyilirdi.

Xatırladaq ki, 54 yaşlı “Əl-Qaidə” lideri Amerikanın “dəniz pişikləri” xüsusi təyinatlılar dəstəsinin həyata keçirdiyi əməliyyat zamanı məhv edilib. Pakistanın kəşfiyyat xidmətinin rəsmi nümayəndəsi isə BBC-yə müsahibəsində onun təmsil etdiyi qurumun səhvə yol verdiyini etiraf edib. 2003-cü ildə Usama bin Ladenin öldürülənə qədər yaşadığı villada axtarış aparılmış, lakin, onunla bağlı heç nə aşkarlanmamışdı. Sən demə Usama bin Laden burada bir müddət əvvəl yaşamağa başlayıb. Pakistanın kəşfiyyat nümayəndəsi əlavə edib ki, elə 2003-cü ildən bəri Usama bin Ladenin malikanəsi “şübhəli obyektlər (məkanlar) siyahısından çıxarılıb”.

 

Yeri gəlmişkən, Usama bin Ladenin  ölümünü hadisəyə şahid olan qızı da  təsdiq edir. BBC  nümayəndəsi  bir neçə dəfə “Əl-Qaidə” liderinin yaşadığı evə gedib-gələn 12 yaşlı yeniyetmə ilə də söhbət edib. Söhbət zamanı yeniyetmə Zarar Əhməd deyib: ”Onun iki arvadı var idi. Onlardan biri ərəb dilində, digəri isə urdu dilində danışırdı. Ailədə üç uşaq var idi: biri qız, ikisi oğlan. Onlar mənə iki ev dovşanı da hədiyyə etmişdilər.Evin darvazalarının üstündə videokameralar qoyulmuşdu ki, həyətə girib çıxanları görmək olsun”-deyə Əhməd sözünə əlavə edib.

Amerikalı hərbçiləri Usama bin Ladenin evindən sənədlər və bir neçə kompyuter disklərini götürüb. Onların üzərində MKİ-nin iş apardığı bildirilir. “Əl-Qaidə” liderinə əsl zərbəni də ələ keçirilmiş sənədlərin vuracağı ehtimal edilir. İTV

SEÇİLMİŞ XƏBƏRLƏR

Çox oxunanlar