Əsədin sərvəti dondurula bilər

SON XƏBƏRLƏR

Əsədin sərvəti dondurula bilər

2021.10.20, 07:36

Gunaz.tv

GünAz TV: Fransa Suriya məmurlarının Avropadakı hesablarına həbs qoyulmasına tələb edir.

Fransa hökuməti Suriya prezidenti Bəşər Əsədə qarşı sanksiyaların (təhrimlərin) tətbiqinə çağırışla çıxış edib. Bu çağırışı Fransanın xarici işlər naziri Alen Jüpe səsləndirib. Rəsmi Paris Suriyaya silah daşınmasına embarqo (təhrim) qoyulmasını, viza qadağasının tətbiqini və Suriya məmurlarının, o cümlədən Bəşər Əsədin Avropadakı hesablarının dondurulmasını istəyir.

Avropanın mövqeyində Bəşər Əsədə qarşı sərtləşmənin səbəbi isə son günlər Suriyanı bürüyən zorakılıqlardır. Xatırladaq ki, ölkənin cənubunda Deraa şəhərində xüsusi xidmət orqanlarının reydi nəticəsində ən azı 10 nəfər öldürülüb, 499 adam isə həbs edilib. Şahidlərin sözlərinə görə, 15-40 yaş aralığında kişilər həbs olunub qandallanaraq avtobuslarda ən yaxın həbsxanalara daşınıblar. Həmçinin Qamışlı, Rəkkə və Dəməşq ətrafında yerləşən qəsəbələrdə də kütləvi həbslər yer alıb. Ümumilikdə hökumət qüvvələrinin əməliyyatları nəticəsində 580 nəfərə yaxın adam qətlə yetirilib. Bununla belə, müxalifət aksiyaları (yürüşləri) davam etdirəcəyini bir daha bəyan edib. Deraa şəhərində isə artıq humanitar fəlakət yaşanmağa başlayıb. Şahidlər şəhərdə aclıq və xəstəliklərin tüğyan etdiyini bildirirlər. Suriya rejimi isə deyilənləri təkzib edir. Bəşər Əsəd Deyr-əz-Zor əyalətinin tayfa şeyxləri ilə görüş zamanı bildirib ki, Deraa şəhərinədə ərzaq və dərman qıtlığı yoxdur: «Dövlət tərəfindən ayrılmış yük maşınları ən ucqar yaşayış məntəqələri də daxil olmaqla Deraa əyalətinin sakinlərinə çörək, un, konservlər, şəkər, bitki yağı, su və başqa ərzaq məhsulları daşıyırlar. Əyalətdə 16 xəstəxana sutka (24 saat) boyunca işləyir və dərmanla bağlı zərrə qədər də çatışmazlıq hiss olunmur. Xarici mətbuatın Deraa şəhərində humanitar fəlakət barədə yazdıqları həqiqətə uyğun deyil».

Dəməşqdən 120 kiometrlik məsafədə yerləşən Deraa şəhəri Suriyada etirazların beşiyi kimi qəbul edilir. Bəşər Əsəd rejiminin bu şəhərdə sakinlərə qarşı ağlasığmaz zorakılıqlar törətməsinə baxmayaraq, şəhər hələ də təslim olmaq istəmir. Bu şəhərdə başlayan aksiyalar sonradan Latakiya, Baniyas, Xums, Xama və Dəməşq ətrafında bir sıra qəsəbələrə də keçib. Deraa sakinləri əvvəlcə islahatlar tələb etsələr də, sonradan Bəşər Əsədin istefasını tələb etməyə başlayıblar. Ordu və təhlükəsizlik qüvvələrinin iştirakı ilə Deraa şəhərində sakitliyi bərpa etmək üçün aprelin 25-dən bu yana əməliyyat keçirilir. Bu müddət ərzində onlarla adam öldürülüb, yüzlərlə adam yaralanıb və ya həbs edilib. Amma şəhərdə hələ də etiraz atmosferi davam edir. Bizim yol

GUNAZ.TV

SON XƏBƏRLƏR