GünAz TV: İran İslam Respublikası (Cümhuriyyəti) rəhbərləiyi,deyəsən,özünü müsəlman torpaqlarını işğal etmiş ermənilərsiz təsəvvür edə bilmir.

Novruz bayramından tutumuş 1979-cu ilin ferval inqilabının qeyd edildiyi günlərədək bütün təntənəli günlərində İslam Respublikasının başçıları təcavüzkar olaraq, tanıdığı erməniləri məclisinin başında oturdur.

«Nyu.am»-ın məlumatına əsasən, Ermənistan kinorejissoru (kargərdan) Arutyun Xaçatryanın  «Şairin dönüşü» adlı sənədli filmi Tehranda keçirilən birinci beynəlxalq kinofestivalda (film festivalında) «başlıca ödülü» alıb.

Aprelin 24-28-ə qədər İranın Kiş adasında keçrilən festivalda 20-dən artıq ölkədən, o cümlədən, Azərbaycan, Britaniya, Türkiyə,Gürcüstan,Rusiya, Cənubi Koreya və başqa dövlətlərin kinomotoqraflarının ekran əsərləri göstərilib.

Ən yaxşı film adına isə iranlı rejissor Məhəmməd Bozorqanin «Dəniz ipək yolu» layiq görülüb.

Xatırladaq ki, aprelin 24-də Tiqran Hzmalyanın «Armin Veqner – soyqırım fotoqrafı» adlı filmi Tehranda nümayiş etdirilib. Bu haqda danışan filmin rejissoru bunlar söyləmişdi : «Mən çox sevinirəm ki, bu film məhz apredin 24-də göstəriləcək. Filmin təqdimatında yalnız İranda yaşayan etməni icması deyil, eləcə də İran İslam Məclisinin üzvləri iştirak edəcək. Filmin İran tele kanallarından birində göstəriləcəyi də istisna olunmur.Bu kino fars dili ilə yanaşı, alman, fransız dillərinə də tərcümə ediləcək».

Bu erməni rejissor 1992-94-cü illərdə Dağlıq Qarabağda Ruisya televiziyası «Vesti» proqramının müxbiri işləyib. 1994-96-cı illərdə Amerrikadakı erməni assambleyasında siyasi təhlilçi kimi çalışıb. 1996-97-ci illərdə BMT-nin (Birləşmiş Millətlər Təşkilatının) Ermənistandakı ictimai informasiya idarəsinin direktor müavini vəzifəsində işləyib. Bunularla yanaşı o, «Sardarapat» adlı erməni ictimai hərəkatının üzvüdür. Qeyd edək ki, bu təkşilat İslam Respublikası ilə əməkdaşlığını gücləndirilməsi istiqamətində fəallıq göstərənlərdəndir.

Arutyun Xaçtrayan isə bu festivalda «Şairin dönüşü» ilə yanaşı,  «Sərhəd» filmini də tədbirə aparıb.Xəbərlərə görə, hər iki film «ermənilərin tarixindən» bəhs edir.

Yeri gəlmişkən, ötən il İran inqilabının 31-ci ildönümü ilə bağlı keçirilən festivalda erməni kinorejissor Karen Şahnazarovun «6 saylı palata» filmi qalib adını almışdı. Onda Azərbayncan olan rejissorlar həmin tədbirə gecə dəvət olunmuş, onların filmi isə müsabiqədənkənar nümayiş etdilmişdi.

İslam Respublikası ilə Ermənistan arasında mədəni sahədə əlaqələr durmadan inkişaf etəmkədədir. 2011-ci ildə hər iki ölkənin paytaxtında mədəniyyət günlərinin keçirilməsi planlaşdırılır.

«Novosti-Armeniya»-nın məlumatına əsasən, bu tərdirin keçirilməsi ilə bağlı məsələ İslam Respublikasının mədəniyyət və islam irşadı naziri Məhəmməd Hüseyni ilə Ermənistanın İrandakı səfiri Qriqor Arakelyan arasında müzakirə edilib.

Rəsmilər ikitərəfli mədəni əlaqələrin dərinləşdirilməsi və gücləndirilməsinə dair məsələdən də danışıblar.

İslam irşad naziri cari ilin oktyarbrında Ermənistanda İran «Mədəniyyəti günlərinin» keçiriləcəyini əlaqələrin genişlənməsi kimi dəyərləndirib.

Enerjidaşıyıcıları ilə bağlı əməkdaşlıqda da Tehran-Yerevan münasibəti uğurla inkişaf etməkdədir.

İran qaz şirkətinin baş direktoru Cavad Ouci bildirib ki, ölkəsi Ermənistana nəql etdiyi «mavi yanacağın» həcmini 6 dəfə artıra bilər. 2004-cü ildə iki ölkə arasında imzalanmış uyğun müqaviləyə əsasən, 2010-cu ildə İran Ermənistana ildə bir milyard kub metr qaz ixrac edib. Hazırda islam Respublikası Ermənistana gündə bir milyondan artıq «mavi yanacaq» ötürür. Qeyd edək ki, bu müqavilə 20 illikdir.

«Novosti Armeniya - NEWS.am»-nın başqa bir məlumatında bildirilib ki, İran şirkətləri Ermənistanın avtomobil və dəmiryolunu İslam Respublikasının uyğun infrastrukturuna (zirsaxtına) birləşdirməyə, bu məqsədlə konsosiumun yaradılmasına hazır olduqlarını bəyan ediblər.

İslam Respublikası yol və nəqliyyat nazirinin müavini Rza Pilpayanın sözlərinə görə, dəmiryol şəbəkəsinin uzunluğu 540 km-dir, onun 480 km-i Erməistan ərazisindən, 60 km-i isə İrandan keçir. O, əlavə edib ki, məsələyə dair memorandum imzalanıb. Bu şəbəkə vasitəsi ilə Ermənistan İranın liman şəhərinə, Bəndər-Abbasa çıxmağı planlaşdırır.

Pilpayanın sözlərinə görə, İslam Respublikasının şirkətləri Ermənistandakı 624 km uzunluğunda yolu, İran –Gürcüstan xəttini də çəkməyə hazırdırlar.

İslam Respublikası rəhbərəliyinin «islam» adından sui-istifadə etdiyi dəfələrlə söylənilib. İndiyəcən bu ölkəyə başçılıq edən müsəlmanlar təcavüzkar Ermənistanla əlaqələrinin genişləndirməsinin əsl səbəbini açıq bəyan etməyib. Belə davranış İran rəhbərliyinin riyakarlığının göstəricisidir. Bu hakimiyyət və onun tərəfdarları Azərbaycan Respublikasının «islam yolu ilə getmədiyini» iddia edirlər. Halbuki, Azərbaycana İrandakı «islam» heç sərf etmir. Çünki bu, insanlara riyakarlıq etməyi, islamın özünə düşmənlik öyrədir, onu əsl mahiyyətindən uzuqlaşdırır. Bu baxımdan İran İslam Respublikasındakı panfarsizimin niyyətinə xidmət edən İranın islamı elə belə olar…

Bir örnəyi dünya müsəlmanlarına öndərlik etmək istəyən İran İslam Respubldikasının diqqətinə çatdırma istərdik; Pakistan İslam Respublikası indiyədək Ermənistanın müstəqilliyini tanımayıb.Rəsmi İslamabad bu addımını əsaslandıraraq, bildirib ki, Azərbaycanın işğal olunmuş torpaqlarından çıxmayanadək ermənilərin qurduğu dövləti tanmayacaqlar. Tehran hakimiyyəti isə çeşidli beynəlxalq qurumlarda Azərbaycan torpaqlarını işğal etdiyi üçün Ermənistanı işğalçı olaraq, tanıdığı halda onunla hər tərəfli əlaqələri genişlindirir.

Sədrəddin Soltan