GünAz TV: Rəhmətlik Şeyx Məhəmməd Füzuli  qəsidələrindən birində belə deyib: «Göstərən saətdə dövrani-fələk bir inqilab, həm özü fani olar, həm leşkəri, həm keşvəri…»

Orta Şərqdə baş verənlərdən belə görünür ki, bu dövlətləri idarə edənlər, yaxud bu taleyi potensial olaraq, yaşaycaq rejim başçıları hələ də bu gerçkəliyi anlamaq istəmir.

Bir neçə il öncə Qərbə dov gələn, İraq lideri Səddam Hüsenyin inadlı və hikkəli davranışı ucbatından həm özü Fani oldu, həm ailəsi, həm də dövləti. Misir avtoriteti (müstəbid) hüsnü Mübarək son anda ailəsini qurtarmağa nail olsa da, mühakimədə canını qurtara bilmədi.

Liviya (Libi) lideri Müəmmar Qəddafi isə soydaşı Səddam Hüseynin taleni yaşamaqdadır.

Ötən gün onun 7 oğlundan biri, 29 yaşlı Seyfəl-Ərəb NATO Hərbi Hava Qüvvəlrinin hücumu zamanı həlak olub.

«Röyter»-in məlumatına əsasən,bu haqda M.Qəddafi hakimiyyətinin sözçüsü Musa İbrahim deyib. Xəbərə görə, hava hücumu onun Tripoli (Trablos)  yaxınlığındakı malikanəsinə edilib. Ailəliklə orada olan qəddafilərdən Müəmmar və onun həyat yoldaşı xəsarət almayıb. Ölənlər arasında M.Qəddafinin 3 nəvəsi də var.

Seyfəl-Ərəb sonucu oğul olmaqla yanaşı, ölkənin siyasi həyatında heç bir rol oynamayıb. Almaniyada təhsil alan Seyfəl-Ərəb təhsilini yarımçıq qoyaraq, atasını dəstəkləmək üçün Tripola gəlibmiş. Hələ bu il fevralın sonunda onun müxalifət düşərgəsinə keçdiyi haqda xəbərlər də yayılmışdı. Ancaq sonradan bu xəbərə təsdiq edilmədi. Bu ilin martında isə müxalifət mənbələri, Liviya liderinin oğlu 32 yaşlı Xamis Qəddafinin həlak olduğuna dair məlumat yaymışdılar, bu da öz təsdiqini tapmadı.

Nə isə… Məqsədimiz heç də Liviyadakı olayları dəyərləndimək deyil. Problem diktatura rejimlərinin başçılarında,onların inadlı,hikkəli və təkəbbürlü olmalarındır.

Soydaşları sayılan ərəb dövlətlərində baş verənlər hələ Suriya lideri bəşşar Əsədə deyəsən çatmır. Bu rejimin başçısına hələ də çatmır ki,  etirazçıların tankla qarşılanmasının çıxış yolu deyil. Özünü, ailəsini və dövlətini belə durumda qorumağın bir yolu var-İstefa. Çünki ölkə əhalisi onun atası Hafiz Əsəddən qalma idarəetmədən artıq bezib. Yenisini isə oğul  Bəşşar Əsəd təqdim edə bilmədi.

Bundan başqa bölgədəki terrorçularla əməkdaşlıq etdi.

«MIGnews»-un məlumatına görə, «Həmas»ın  Dəməşqdə yerləşən siyasi rəhbərliyi ölkənni tərk edərək, Qətərə köçüb.

Londonda ərəb dilində çıxan «əl-Həyat» qəzeti bildirib ki, Qətər hakimiyyəti qurmun Siyasi Bürosu Mərkəzi Komitəsinin başçısı Xalid Məşəli və təşkilatın başqa liderlərini  qəbul etməyə razılıq versə də, yaraqlıları öz torpaqlarında görməkdən qəti imtina edib.

«Həmas»ın Fələstindəki rəsmilərri bildirib ki, İordaniya və Misir təşkilatın uyğun istəyini rədd etdikdən sonra onlar Qətərə müraciət ediblər.

Qeyd edək ki, «Həmas» siyasi bürosunun 15 üzvü 1999-cu ildən Dəməşqdədir.

Başqa bir məlumata görə, «həmas»ın hərbi rəhbərliyi yaxın zamanlarda Dəməşqdən Qəzza zolağına köçürüləcək.

Qurumun yaxınlarda Qahirədə daimi ofisinin açılacağı da planlaşdırılıb. Ona başçılıq Xalid məşəlini müavini Mussa Əbu-Marzuk edəcək.

On ildən artıq bir ölkədə özünə «yuva» qurmuş terrorçu bir təşkilatın Suriyanı tərk eməsi bu ölkədə vəziyyətin daha da ağırlaşacağının göstəricisi sayıla bilər. Bu baxımdan yaxın zamanlarda Tehran hakimiyytinin də müttəfiqi Bəşşar Əsəddən imttina edəcəyi istisna edilmir. 

Orta Şərqdəki terrorçu təşkilatları dəstəklədiyini bəyan edən, İran rejimi indii geri çəkilməkdədir. Ötən həftənin sonunda ABŞ-ın (Amerika Birləşmiş Ştatlarının) BMT-dəki (Birləşmiş Millətlər Təşkilatındakı) təmsilçisi Süzan rays bildirmişdi: «Suriya hakimiyyətinin dinc etirazçılara güc tətbiq etməsinə İranında yardım etməsi haqda əlimizdə sübutlar var. Bu bizi rahatsız edir».

İran Xarici İşlər Nazirliyinin sözçüsü Ramin Mehmanpərəst bu ittihamı təkzib edərək, deyib: «Bu ittihamlar ABŞ-a diqqəti baş verən hadisələrdən yayındırmaqla region xalqarına informasiya və mənəvi təzyiq göstərmək üçün lazımdır».

Tunis, Misir və Liviyadakı müxalifəti dəstəkələyən Tehran hakimiyyəti Suriyadakı Əsəd rejiminə münasibətdə susmağa üstünlük verməkdədir.

«Həmas»ın Dəməşqdən çıxması həm də İrandakı hakimiyyətin bölgədə terrorçu müttəfiqlərindən birinin zəifləməsi kimi də dəyərləndirilə bilər.

BMT (Birləşmiş Millətlər Təşkilatı) İnsan Haqlır Şurası Suriydakı rejimə qarşı qətnamə qəbul edib. Sənəddə dinc nümayişçilərə güc və odlu silahdan atəş açılması pislənir və buna görə Bəşşar Əsəd hakimiyyəti mühakiə edilir.

Amerika tərəfindən təqdim olunan layihəyə şuranın 47 üzvündən 26-sı səs verib. 9 ölkə əleyhinə olub, 7-i isə tərəfsiz qalıb. Rusiya isə şuranı siyasiləşdirməməyə çağırıb.

«İTAR-TAAS»ın məlumatına əsasən, Avropa Birliyinə üzv  döəltələr Suriyaya silah satışına embarqo qoyulması haqda razılıq əldə ediblər.

ABŞ (Amerika Birləşmiş Ştatlar) isə Suriya hakimiyyətinə, güc qurumlarına artıq sanksiya qoyub. «Qara siyahıya» düşənlər arasında general Mahir Əsəd, ölkə kəşfiyyatının başçısı Əli Məmlük, Suriya ictimai  təhlükəsizlik xidmətinin Dara əyalətindəki keçmiş başçısı  Atif Nəcib də var. Bundan başqa bu ölkə ərazisində fəaliyyət göstərən İran İnqilab Keşikiçiləri Qvardiyasının (Sepahın) taqımlarına da tətbiq edilb.

Belə. Suriyada baş verənlər İran İslam Respublikasının (Cümhuriyyətinin) rəhbərliyi üçün çox ciddi bir xəbərdarlıq da sayıla bilər. Silahlar işə düşməmiş,ölkədəki rejim dinc yolla, öz xoşuna, getsə daha abırlı olar.Onsuz da İran cəmiyyətində hakimiyyətə qarşı əhali kinlidir. Bu kinin dərinləşməməsi üçün bu vacibdir. Başqa sözlə, dəyişiklik İran hakimiyyətini n qapısını döyməkdədir…

Sədrəddin Soltan