Contact Us

SON XƏBƏRLƏR

Türkiyənin “Suriya imtahanı”

2021.10.20, 07:36
Türkiyənin “Suriya imtahanı”

Gunaz.tv

GünAz TV: Yaxın Şərqdəki ictimai-siyasi hərəkətlilik bir çox dövləti kimi Tükiyəni də bəzi suallar qarşısında qoyub.

Xüsusilə Suriyadakı proseslər Türkiyəni neçə illərdir bəzən problemlərlə, bəzən də uğurlarla diqqət çəkən xarici siyasət kursu baxımından kritik (böhran) mərhələyə gətirib. Suriya kütləvi etiraz dalğalarının və bu etirazçılara qarşı sərt müdaxilənin növbəti danaynacağına çevrilib. Türkiyə isə Misirdə açıq və sərt, Liviyada isə ilk mərhələdə nisbətən üstüörtülü, amma daha sonra açıq olan mövqeyini bu dəfə hələ ki nümayiş etdirə bilmir: “xalqın səsini dinləyin və   iqtidarı tərk edin!”. Belə bir mərhələdə isə bu gün (aprelin 28-də) Türkiyə Milli Təhlükəsizlik Şurasının Suriya ilə bağlı xüsusi müzakirələri keçirilir, Türkiyə Milli İstihbarat Təşkilatının (MİT- kəşfiyyat orqanı) sədri Suriyaya xüsusi səfər edir.

Bir çoxlarına görə Türkiyə üçün bu imtahandan uğurla çıxmaq çətin olacaq. Türkiyənin Suriya ilə münasibətləri uzun müddət gərgin olub. Xüsusilə Suriyanın Türkiyəyə ərazi iddiası irəli sürməsi və PKK terroruna dəstək verməsi 1990-cı illərin ortalarında iki ölkəni müharibənin astanasına gətirib. Münasibətlər sadəcə son illərdə nəzərə çarpacaq dərəcədə yaxşılaşmağa başlayıb. Bunda Suriyanın müəyyən dərəcədə düşdüyü beynəlxalq təcriddən xilas olma axtarışlarının və Türkiyənin hazırkı hakimiyyətinin “sıfır problemi xarici siyasət” nəzəriyyəsini tətbiq etməsinin xeyli rolu olub.

Bu mərhələdə Suriyada baş verənlər qarşısında Türkiyənin sakit qalması mümkün olmadığı kimi Misirdəki kimi mövqe nümayiş etdirməsi də çox çətindir. Türkiyənin Baş Naziri Ərdoğan buna görə də yuxarıda sadalanan addımlarla yanaşı həm də diplomat Ömer Orhonu “xüsusi islahat proqramı” layihəsi təklifi ilə Şama göndərir. Həm dünyaya, həm də Suriyaya nə “inqilabın”, nə də dinc əhaliyə qarşı zorakılığın tərəfdarı olmadığını, mövcud Bəşər Əsad hakimiyyətini saxlayaraq islahatlar yoluyla vəziyyətdən çıxılması təşəbbüsünün ön doğru yol olacağını izah etməyə çalışır. Hazırkı mərhələdə bu plan işləyə bilər. Amma, əgər proseslər Liviyadakı (Libidəki) kimi cərəyan etsə və nəzarətdən çıxsa Türkiyə seçim etmək məcburiyyəti qarşısında qalacaq. Araztm

SEÇİLMİŞ XƏBƏRLƏR

Çox oxunanlar