GünAz TV: Aprelin 23-24-də (ordibeheştin 3-4-də) Türkiyənin İzmir şəhərində bu ölkədə yaşayan Azərbaycan türklərinin qurultayı keçirilib.

Qurultayda İzmir Azərbaycan Mədəniyyət Mərkəzi Dərnəyi, İstanbul Azərbaycan Mədəniyyət və Sənət Evi Dərnəyi, Qars Azərbaycan Mədəniyyət və Həmrəylik Dərnəyi, GünAz TV rəhbərliyi, Samsun Azərbaycan Mədəniyyət Evi Dərnəyi, Turgutlu Azərbaycan Mədəniyyət Dərnəyi, Tokat Zile Azərbaycan Mədəniyyət Dərnəyi, İstanbul, Iğdır Mədəniyyət və Həmrəylik Dərnəyi, İstanbul Qarabağ Azadlık Təşkilatı, Azərbaycan Qarabağ Mədəniyyət və Sənət Yaşatma Dərnəyi- İstanbul, Bursa Terekeme-Karapapak Kültür Platformu DərnəyiDAK (Dünya Azərbaycanlılar Konqresi), Belçika Azərbaycan Dostluq Cəmiyyəti, Hollandiya Türk – Azərbaycan Dərnəyi və başqa təşkilatlar iştirak ediblər. Qurultayın aprelin 23-24-də keçirilməsinin bir rəmzi mənası da ermənilərin aprelin 24-ü qondarma soyqırım günü kimi qələbə vermələrinə cavab mənası daşıyıb. Tədbir iştirakçıları dünyada yaşayan Azərbayan türklərinə müraciət qəbul ediblər. Müraciətdə qeyd edilir ki, sayı 300 milyondan artıq olan türk dünyasının bir parçası olan Azərbaycan və bütün dünyada 50 milyondan artıq olan Azərbaycan türklərinin bir qismi Türkiyədə yaşayır.Bu gün tarixi, mədəni və siyasi zərurətlər, dünyada baş verən proseslər, 50 milyonluq Azərbaycan türknün sayı 300 milyonu ötən türk dünyasının daxilində seçilən bir topluluq olmasını, birlik və bərabərliyini təmin etməsi, dünyada Anadolu türkləri ilə yanaşı addımlamasını zəruri edir.«Türk dünyasının birliyi istiqamətində Azərbaycan türklərinin birlik yaratması bu yöndə atılmış bir kilometr məsafə olacaq. Bu səbəblə Azərbaycan türklüyünün bəzi siyasi mülahizələri bir kənara buraxaraq, xüsusilə də xaricdə birliyə nail olması və bu birliyi ölkə içinə daşıması həm Azərbaycan, həm də Türk dünyası üçün son dərəcə xeyirli bir iş olacaq. Buna ürəkdən inanırıq. İşğal edilmiş torpaqlarımızın azad edilməsi yolunda yaradılacaq bu birlik dünya üzündə önəmli işlərə də yol aça bilər.

Bu birlik digər tərəfdən Güney Azərbaycanda yaşayan soydaşlarımızın Birləşmiş Millətlər Nizamnaməsi, Paris Müqaviləsi və Avropa Konvensiyasında əks olunan fundamental (əsasi) hüquq və azadlıqlarını qazanmasında da üzərinə vəzifələr götürəcəkdir. Bu məqsədlə Azərbaycan türkləri ruhən və fikrən birlik əldə etmək durumundadır. Bu birlik üçün bizə düşən vəzifə Türkiyədə yaşayan Azərbaycan türklərinin birliyinin təmin edərək işə başlamaqdır.

Bu birliyin ilk addımını 23-24 apreldə keçirilən qurulatıyımızda atacağımıza inanırıq».Xüsusi qeyd etmək lazımdır ki, qurultayda Urmu Gölünün quruması ilə əlaqədar 10 dəqiqəlik film izlənilib və İran rejiminin Gölün qurumasına laqeyd qalması pislənilib. Ümumiyyətdə qurultayda Güney Azərbaycan məsələsinə xüsusi diqqət yetirilib.