GünAz TV: İran hakimiyyətinin təmsilçiləri yenə savaşdan danışır. Təəssüflər olsun ki son aylar Afrikanın Şimalında və Qərbində baş verənlərdən belə rejimlər nəticə çıxarmayıb.

Baş verənlər bir daha sübut etdi ki, ölkə və beynəlxalq ictimaiyyətin haqlı istəkləri ilə razılaşmayan hikkəli reijmlər ömürlərini baş vurur. Ancaq bu proses diktatruanın iddiası ilə müşahidə olunduqdan ondan ən çox adi insanlar əzab çəkir, dövlət talan olunur.

Bir müddət öncə İslam Respublikası (Cümhuriyyəti) sərhədlərin təhlükəsizliyi çərçivəsində yaxın zamanlarda hava nəzarəti sistemini yeniləşdirmək niyyətindədir. İnqilab Keşikçiləri Qvardiyasının (SEPAH) sərhəd polisi komandanı general Hüseyn Zülfiqari bildirmişdi ki, bu məqsədlə sərhəddə Hava Hücumundan Müdafiə yeni bazaları quracaq.

Onun sözlərinə görə, ötən ildən sərhəddə yeni elektron texnologiya tətbil edilib : «Ölkə sərhədlərində təhlükəsizlik tədbirlərinin gücləndirmək üçün üstün-plan hazırlanıb və yaxün günlərdə bu təsdiqlənəcək».

General  H.Zülfiqari Azərbaycan Respublikası ilə sərhəd rayonlarda, Parsabad (Muğan) və Güney Biləsuvarda baxış keçirib. Onu İran parlamentinin təmsilçiləri, Ərdəbil əyalətinin polis rəisi, Parsabad və Biləsuvar şəhərlərinin icra başçılara müşayiət edib.

 

O, qeyd etmişdi ki, lazım olan şərait yaradıldıqdan sonra müşahidə məqsədi ilə pilotsuz (xələbansız) təyyarələr və vertolyotlar (helikopterlər) da həmin ərazilərdə uçacaq. Onun sözlərinə görə, bu istiqamətdə artıq hazırlış işləri görülüb, başa çatıb. Qvardiya təmsilçisi bildirib ki, yeni il üçün (21.03.2011-20.03.12) sərhədə nəzarətin gücləndirilməsi, yeni texnika və avadanlığın əldə edilməsi, eləcə də yeni infrastrukturun (alt yapı, zirsaxt) tikintisinə dövlət büdcəsindən 80 milyon manata yaxın (86 milyard tümən) pul ayrılıb.

Ötən gün isə İran Quru Qoşunları komandanı general Əhmədrza Purdastan bütün sərhəd bölgələrində ordu hissələrinin yerləşdiriləcəyini bəyan edib.

 

Əhmədrza Purdəstan bildirib ki, bəzi qüvvələr bölgədə «İranofobiya siyasəti» («İranısevməmək») yeridir, onu şiddətləndirir: “İran İslam Respublikası yeni təhdidlərlə üz-üzə qalıb. Bu təhdidlər növünə, formasına və ölçüsünə görə əvvəlki təhdidlərdən fərqlənir. Elə buna görə də bundan sonra ordu daha çevik xarakter alacaq, bütün sərhədlərdə ordu hissələri yerləşdiriləcək və bütün sərhəd zonalarında yeni hərbi qərargahlar tikiləcək».

 

Bu çıxışlar ölkənin ali qanunverici orqanı təmsilçiləri tərəfindən də edilməkdədir.

 

İran parlamentinin üzvü Ruhullah Hüseynian bu günlərdə jurnalistlərə prezident Mahmud Əhmədinejad hökumətinin Bəhreyndə baş verən olaylarla bağlı mövqeyini tənqid edərək, deyib ki, İran Səudiyyə Ərəbistanının Bəhreynə hərbi qüvvə göndərməsi qarşısında hərbi seçim barədə də düşünməlidir: «Bizim xarici siyasətin bölgədə baş verən dəyişikliklərdən geri qaldığını deyənlərin nigarançılığı əsassız deyil. Səudiyyə Ərəbistanı Krallığının Bəhreynə qoşun yeridib, bu ölkənin müsəlman əhalisini kütləvi qırğına məruz qoyması qarısında daha qətiyyətli mövqe tutmalı idik.

 

Hətta hesab edirəm ki, İran hökuməti məsələyə obyektiv yanaşmaqdan çəkinməməlidir. Bir halda ki, Səudiyyə Ərəbistanı hökuməti Bəhreynə qoşun çəkir, biz də öz hərbi qüvvələrimizi hazır vəziyyətə gətirməli, Səudiyyə Ərəbistanı sərhədlərinin bizə yaxınlaşmasına icazə verməməliyik».

 

Oxşar çıxışı İran Silahlı Qüvvələrinin Baş Qərargah rəisi general Həsən Firuzabadi jurnalistlərə açıqlamasında səsləndirib.

 

“Media forum” saytının məlumatına görə, Həsən Firuzabadi deyib ki, Səudiyyə Ərəbistanı Bəhreynə hərbi qüvvəni ABŞ-ın (Amerika Birləşmiş Ştatlarının) tapşırığı ilə yeridib: «Səudiyyə Ərəbistanının Bəhreynə hərbi müdaxiləsi onun yol verdiyi ən böyük səhvidir. Bəhreyn xalqına qarşı bu zülm onların süqutunu sürətləndirəcək.

 

Bəhreyn xalq 30 ildir ki, zülm və təzyiq altında olub. İndi Allahın iradəsi belədir ki, onların üstündən bu təzyiq götürülsün. Ən yaxşı işi Tunis prezidenti etdi - bir gecənin içində çıxıb getdi. Bunlar da (Bəhreyn rəhbərliyi) həmin işi etməli idilər. Nəyin bahasına olursa olsun hakimiyyətdə qalmaq onlara bədbəxtlik və üz qaralığından başqa bir şey gətirməyəcək. Onlar bu hərəkətləri ilə özlərini biabır edir, öz işlərini ağırlaşdırırlar».

 

Bu sayaq çıxışlar İraqla savaş zamanı  İran İslam Respublikasının banisi sayılan ayətullah Xomeynin məlum bəyanatını xatırladır. O, demişdi ki, Nəcəf və Kərbəlanı «kafirlərdən azad etdikdən sonra Qüdsü və Məkkəni azad edəcəyik».

 

Odur ki, Tehran rəsmilərinin bu sayaq bəyanatlar verməsini təbbi qəbul etmək olar. Çünki bu rejimin mayasında savaş durur. 

 

Ancaq ölkədəki siyasi, sosial, iqtisadi durum ağırlaşmaqdadır.

 

Ötən gün «Zeynəb» Cəmiyyətinin baş katibi Məryəm Bəhruzi bildirib ki, «İranın düşmənlərinə qarşı mübarizədə» iqtisadiyyata ciddi yanaşılmalıdır:«Xalq üçün iqtisadi məsələ çox vacibdir. Çünki insanların çoxu bu sahədə problemlə üzləşir. Üç ildir ki, ali rəhbər (İranın ali rəhbəri aytəllah Xamneyini nəzərdə tutur-S.S.) iqtisadiyyat sahəi ilə bağlı prrobelmlərin həll edilməsinin vacibliyin vurğulayır».

 

Hökuməti tənqdi edən, baş katibin sözlərinə görə, inqilabdan sonra çeşidli hökumətlər hakimiyyətdə olub, iqtisadi problemlərin həlli ilə bağlı onların öz proqramları var idi : «Ancaq indiki hökumət arzu edilən yolda durmayıb. Hələ də subsidiyalarla bağlı qanun yerinə yetirilmir».

 

O,bildirib ki,  iqtisadi təzyiqlərlə xalqın üzləşməməsi üçün hökumətin dəqiq və aydın proqrammı olmalıdır.

 

 Məryəm Bəhruzi hakimiyyətə yaxın olanlardan sayılır. Məsələyə «müxalifətin bu sayaq tənqidi fikriləri deməsindənsə, özümüzünkünün söyləməsi, daha yaxşıdır» - prinsipindən (əsl, ilkə) yanaşan rejim bununla əks düşərgəni təbliğatda udsa da, gerçəklikdə uduzur. Axı, bu sayaq çıxışlar hələ mövcud probelmin həlli demək deyil.

 

Bu isə özü-özlüyündə ölkədə ciddi sosial, iqtisadi problemin olduğunu bir daha təsdiqləməkdədir.

 

Subsidiyalarla ölkə vətəndaşlarının başını qatan Tehran hakimiyyəti indi də düşdüyü maliyyə böhranından çıxmaq üçün dövltəin rəsmi pul vahidindən, rialdan sıfırları yığışdıraraq (denominasiya), onun qiymətini ABŞ dolları ilə eyniləşdirmək niyyətindədir.

 

«MIGnews»-un məlumatına əsasən, bu haqda danışan ölkə Mərkəzi Bankının başçısı Mahmud Bəhməni denominasiyadan sonra gələcəkdə dollarla rial arasında rəqabətin qorunması ilə bağlı heç bir fikri söyləmyib.

 

Yeri gəlmişkən, keçmiş SSRİ-nin (Şurəvinin) son illərdində də Moskva bu addımı atdı. Ancaq o vaxtkı sovet rublu tez bir zamanda yenidən kağız parçasına, urfatsız bir valyutatya çevrildi.

 

Xatırladaq ki, 1979-cu il inqilabı ərəfəsində bir dollar 70 rial və ya 7 tümənə bərabər idisə, hazırda bir dollar 11 min rial və ya 1100 tüməndir. Rəsmi açılamaya əsasən, martın 20-dək ölkədə inflyasiya 12,4 faiz təşkil edib.

 

İrana qarşı qəbul ediləcək sanksiyaların (təhrimlərin) mövcud durumu daha da ağırlaşdıracağı istisna edilmir.

 

«Radio Svaboda»nın məlumatına əsasən, Avropa Birliyi İrana qarşı yeni yasaqlar tətbiq etməyə hazırlaşır. Bu haqda ötən gün Britaniyanın xarici işlər naziri Ulyam Heyq qurum xarici işlər nazirlərrinin Lüksemburqda başlayan müşavirəsi zamanı bildirib Onun sözlərinə görə, əlavə sanksiyalar müxalifət fəalları və jurnaditsləri təqib edən, onalır həbsində iştirak etmiş, habelə insan haqları ilə bağlı başqa pozuntu törədən İranın 32 məmuruna şamil ediləcək: «Əldə edilmiş razılığa uyğun olaraq, ölkənin 32  rəsmisinə Avropa Birliyi ölkələrinə səfər üçün viza verilməsinə qadağa qoyulacaq və onların bu dövlətlərdəki bütün əmlakı dondurulub»

 

Nazir İranın sanksiyaya məruz qalacaq  32 məmuru haqda açıqlama verməyib.

 

Bununla belə xatırladaq ki, birliyin «qara siyahısına» düşən İran rəsmiləri arasında İnqilab Keşikçiləri Qvardiyasının («sipah») komandanı Məhəmməd Əli Cəfəri, İran Silahlı Qüvvələrinin Baş Qərargah rəisi Həsən Firuzabadi, dini rəhbər Əli Xamneyinin qvardiyadakı təmsilçisi Əli Səidi, qvardiya komandirlərindən -n Abdulla İraqi və Hüseyn Həmədani, «sipah»ın təhlükəsizlik bölməsinin rəhbəri Hüseyn Taib, “Bəsic” təşkilatının komandanı Məhəmmədrza Nəqdi, İran Hüquq Mühafizə Qüvvələrinin komandanı İsmayıl Əhmədi Müqəddəm, ədliyyə, irşad, ali təhsil və daxili işlər nazirləri, İran Məhkəmə Sisteminin rəisi və onun köməkçisi, Tehranın keçmiş prokuroru Səid Mürtəzəvi və daha bir neçə nəfərin olduğu təxmin edilir.

Bilinən və hələ məlum olmayanlara əsaslanaraq,  Firuzabadinin Tunis prezidenti ilə bağlı dedikilərini Tehran hakimiyyətinə də şaml etmək olar : 32 ildir indi sayı  80 milyona çatan əhalini zülm və zillət altında saxlayır, hər addım başı haqlarını tapdayırsınız. Qansız – qadasız, bəlkə sizlər də   bin Əlidən ibrət götürərək,gedəsiniz. 

Sədrəddin Soltan