GünAz TV: İran hakimiyyətinin Azərbaycan Respublikasına (Cümhuriyyətinə) dost münasibətdə olmadığı sirr deyil. Əksinə bu rejimin Ermənistanla qardaşlıq ələqasində olduğunu təsdiqləyən hər gün yeni-yeni xəbərlər yayılır.

İranın informasiya vasitələrinin yaydığı məlumata əsasən, İslam Respublikası sərhədlərin təhlükəsizliyi çərçivəsində yaxın zamanlarda hava nəzarəti sistemini yeniləşdirmək niyyətindədir. İnqilab Keşikçiləri Qvardiyasının (Sepahın) sərhəd polisi komandanı general Hüseyn Zülfiqari bildirib ki, bu məqsədlə sərhəddə Hava Hücumundan Müdafiə yeni bazaları quracaq.

Onun sözlərinə görə, ötən ildən sərhəddə yeni elektron texnologiya tətbil edilib : «Ölkə sərhədlərində təhlükəsizlik tədbirlərinin gücləndirmək üçün üstün-plan hazırlanıb və yaxün günlərdə bu təsdiqlənəcək».

Ötən gün H.Zülfiqari Azərbaycan Respublikası ilə sərhəd rayonlarda, Parsabad (Muğan) və Güney Biləsuvarda baxış keçirib. Onu İran parlamentinin təmsilçiləri, Ərdəbil əyalətinin polis rəisi, Parsabad və Biləsuvar şəhərlərinin icra başçılara müşayiət edib.

Qeyd edək ki, Muğan bölgəsinin Azərbaycan Respublikası ilə sərhədinin uzunlğu 100 km-dən artıqdır.

Dövlətin öz təhlükəsizliyin təmin etməsi adi dövlət tədbiridir. Ancaq təəccüblüsü budur: İslam Respublikası bu sayıqlığı bir qayda olaraq, Azərbaycan Respublikası ilə münasibətdə nümayiş etdirir. Onda Tehran rəsmilərinin Bakıdan İrana gedən hakimiyyət təmsilçilərinə «Azərbaycan Respublikası İrana qardaş dövlətdir» deyimini necə dəyərləndirmək olar? Qardaş-qardaşın üzərinə raket tuşlayar? Bəs, onda Tehranın təcavüzkar olaraq, tanıdığı Ermənistan İran İslam Respublikasının necə qohumudur?

Azərbaycan Respublikasından ehtiyatlanan Tehran hakimiyyəti Ermənistanla əməkdaşlığı genişləndrməkdən danışırlar.

Novruz bayramı təntənəsində iştirak etmək üçün Tehranda səfərdə olmuş erməni prezident Serj Sarksiyan İranlı həmkarı mahmud Əhmədinejadla iki tərəfli münasibətlərin inkişafına dair məsələni də müzakirə edib.

«MIGnews»-un məlumatına əsasən, İslam Respublikasının prezidenti görüş zamanı deyib : «İran və Ermənistan arasında əməkdaşlığın perspektivinin (çeşməndazının) sərhədi yoxdur. Biz iki dost dövlət qarşılıqlı münasibəti davam etdirməliyik».

Tehran rəsmisi daha sonra enerji və nəqliyyat sahələrində öncədən əldə edilmiş anlaşmaların gerçəkləşdirilməsinin vacibliyini vurğulayıb.

Görüş zamanı tərəflər Araz çayı üzərində Ermənistanın İran üçün iri Su Elktrik Stansiyasını (niriqahını) tikməsində razılıq əldə edib.

Tehranla Yerevan arasında enerji sahəsində əməkdaşlıq 450 milyon dollar dəyərləndirilir.

Serj Sarksiyan bildirib ki, İran Ermənistanla siyasi  və iqtisadi əlaqələri genişləndirməyə çalışır.

Tərəflər arasında əməkdaşlığın sürəti yanacaq daşıyan avtomobillərin tez-tez qəzaya uğramasında da özünü göstərir.

Ötən gün İrana məxsus qazla dolu avtomobil sisternsi Ermənistanda aşıb. Erməni fövqəladə qurumunun məlumatına görə, qaz sızmayıb, zərərçəkən yoxdur.

«Novosti - Armeniya»-nın məlumatına görə, rəsmi açıqlamaya əsasən, Exiqnadzo-Yerevan yolunun 21 km-liyində İslam Respublikasına məxsus «Mersedes» markalı avtomobil aşıb. Avomobilin sisternində 22 ton maye qaz olub.

Xatırladaq ki, keçən ilin payızında İrandan Ermənistana yanacaq aparan İslam Respublikasının avtosisterni Ermənistan ərazsində qəza uğramışdı.

Ermənilərin Fövqaladə Hallar Nazirliyinin açıqlamasında bildirmişdi : «Yol qəzası Yerevan-Meğri avtomobil yolunun 165 –ci km-liyində baş verib. Xilasedicilər olay yerində «MAK» markalı avtosisternin arxa körpüsünün sınması nəticəsində qəzanın baş verdiyini müəyyənləşdirib. Aşan maşından mazut sızmağa başlayıb».

Sədrəddin Soltan