İsrail-İran münasibətlərində yeni gərginlik

SON XƏBƏRLƏR

İsrail-İran münasibətlərində yeni gərginlik

2021.10.20, 07:36

Gunaz.tv

GünAz TV: İsrail rəsmiləri bildirib ki, İsrail ordusunun dəniz komandoları Aralıq dənizində İrana məxsus silah yükü aşkar edib.

İsrail rəsmilərinin verdiyi məlumata görə bu silah Qəzza zolağında Həmas qruplaşmasına göndərilirdi. İsrail dəniz komandolarının təqib etdiyi və saxladığı Viktoriya gəmisi heç bir müqavimət göstərmədən İsrailin cənubunda yerləşən Aşdod limanına aparılıb. Bu gəmi Suriyadan Misirin İskəndəriyyə limanına doğru hərəkət edən zaman İsrail dəniz qüvvələri tərəfindən saxlanılıb.

İsrail rəsmilərinin məlumatına görə gəmidə 50 tona yaxın silah aşkarlanıb. İsrailin Baş Naziri Benyamin Netanyahunun iddiasına görə bu silahları İran Həmas qruplaşmasına göndərmək istəyirdi. O bildirib ki, bu silahların yükləndiyi yer İran, göndərildiyi yer isə Qəzza zolağı olub. Netanyahu bildirib ki, İran bununla da Həmas qrupunu müasir silahlarla təmin etmək istəyirmiş.

Viktoriya gəmisi Liberiya bayrağı ilə hərəkət etsə də onun mülkiyyətçisi Almaniya şirkəti olub, lakin gəmi bir Fransa şirkətinin icarəsindədir. İsrail dəniz qüvvələri kamandanının müavini Rani Bin Yahuda bu barədə məlumat verərək bildirib ki, gəmidə bir neçə qurudan dənizi hədəfə ala biləcək raket, gəmilər əleyhinə raketlər, iki ədəd c704 raketi və bir çox 60-120 mm qranatatanı (narincəkatan) olub. Onun sözlərinə görə bu silahlar Həmasın əlinə çatsa idi, regionda (bölgədə) stratejik balans Həmasın leyhinə dəyişə bilərdi. Hələ ki İran tərəfi məsələyə münasibət bildirməyib.

Beləliklə İran hərbi gəmilərinin Süveyş (Suez) kanalından keçərək Aralıq dənizinə keçməsindən sonra dənizdə İsrail ilə İran arasında yeni gərginlik mövzusu yaranır. Bu isə onsuz da yaxın şərqdəki gərgin münasibətlərin hərbi müstəviyə daşınması potensialını artırır.

GUNAZ.TV

SON XƏBƏRLƏR