Avropa mediası AKP-nin dünyəvi dövlət quruluşu yolundan sapdığını yazır

SON XƏBƏRLƏR

Avropa mediası AKP-nin dünyəvi dövlət quruluşu yolundan sapdığını yazır

2021.10.20, 07:36

Gunaz.tv

GünAz TV: «Financial Times» yazır ki, Ərdoğan mətbuata təzyiq edir və məhkəmələrdən müxalifləri qorxutmaq üçün yararlanır.

Son vaxtlar Türkiyədə yer alan proseslər qardaş ölkənin «Avaropa yürüşü»nü təhlükə altına atıb. Qitənin mediası Türkiyənin dünyəvi dövlət quruluşu yolundan qəti olaraq sapdığını və Avropa Birliyinə aparan yolun bu ölkə üçün qapandığını yazır. İngiltərinin «Financial Times» qəzeti hesab edir ki, baş nazir Rəcəb Tayyib Ərdoğan son vaxtlar Atatürkün dünyəvi demokratiya quruluşu ilə bağlı mirasına hörmətsizlik göstərir. Məqaləyə əlavə edilmiş karikaturada «Azadlıq, demokratiya və ədalət» yazılmış plakatları daşıyan ərəblərə əl uzadan bir türk fiquru görünür. Avropa Birliyini təmsil edən fiqur isə bir qədər qorxmuş və çaşqın halda təsvir edilib.

Filip Stefens imzalı məqalədə qeyd edilir ki, Türkiyə nazirləri Ankaranın dünyəvi İslamla demokratiyanın birləşməsi mənasında ərəb dünyası üçün model olaraq görülməsinə diqqətlə yanaşırlar. Stefens İstanbulda qatıldığı bir konfransda türklərin bu mənada qürur duyduqlarını yazıb. Məqalədə deyilir: «Avropa isə ərəb dünyasında baş verənlərdə fürsətdən çox təhdid görür. Avropalılar artan neft qiymətlərindən, Aralıq dənizini aşıb keçə biləcək milyonlarla mühacirdən, avropalı fermerlər və toxucuların ərəb məhsulları ilə rəqabət aparıb-apara bilməyəcəyindən qayğılanırlar. Qısası, Avropa bölgədə yeni doğulan demokratiyalara yardımçı olmalıdır. Amma görüşdüyüm türk siyasətçilər Avropanın niyyətlərinə şübhə ilə yanaşdıqlarını deyirlər. Onların bu mövqeyi aydındır. Beş ildir Türkiyənin Avropa Birliyinə üzvlüyü ilə bağlı davam edən müzakirələr Ankaranı üzvlüyə yaxınlaşdırmaq əvəzinə, daha da uzaqlaşdırıb. Brüssel Türkiyə vətəndaşlarına qarşı tətbiq olunan sərt viza rejimini yumşaltmaq üçün də müzakirələrə başlamağı rədd edir. Ərdoğanın islamçı partiyası isə son dövrlərdə Mustafa Kamal Atatürkün dünyəvi demokratik mirasına qarşı hörmətsizlik göstərir. Bu yay keçiriləcək ümumi seçkilər ərəfəsində rəy sorğularında böyük fərqlə öndə olan partiya mətbuata qarşı sərt tədbirlər görür və məhkəmələri müxaliflərin gözünü qorxutmaq üçün alət olaraq istifadə edir. Cümhuriyyət Xalq Partiyasının (CHP) lideri Kamal Kılıçdaroğlu da ərəb dünyasının demokratiyaya qucaq açdığı bir dövrdə Ankaranın belə bir siyasət yürütməsinə istehza edir. Amma bütün bunlara baxmayaraq, Avropa şərqində və cənubunda yer alan ölkələrə baxıb öz problemlərini qarşılamalıdır. Müsəlman demokratiyaların əlini sıxmağın vaxtı çatıb».

GUNAZ.TV

SON XƏBƏRLƏR