Səudiyyə Ərəbistanı-İran gərginliyi

SON XƏBƏRLƏR

Səudiyyə Ərəbistanı-İran gərginliyi

2021.10.20, 07:36

Gunaz.tv

GünAz TV: Yaxın Şərqdə gedən ictimai-siyasi canlanma Səudiyyə Ərəbistanından da yan keçmədi. Amma bu ölkədə baş verənlər getdikcə Yaxın Şərqlə maraqlanan mütəxəssislərin diqqətini daha çox çəkməyə başlayır.

Bunun iki başlıca səbəbi var. Əvvəla, Səudiyyə Ərəbistanı dünya neft bazarı baxımından ən əhəmiyyətli ölkələrdən biridir. Eyni zamanda bu ölkədə başlayan “rejim əleyhdarı siyasi fəallığın” arxasında İranın durduğu iddiaları var. Bir neçə gün əvvəl bu ölkənin şərqində Şiələrin keçirdikləri etiraz aksiyaları polis tərəfindən dağıdıldı. Hakimiyyət bütün növ kütləvi aksiyaları qadağan etdi. ABŞ (Amerika Birləşmiş Ştatları) Dövlət Departamentinin nümayəndəsi Filip Krouli Səudiyyə Ərəbistanında baş verənlərlə bağlı bir sualı cavablandırarkən ölkəsinin insan hüquqlarını dəstəklədiyini, buraya sərbəst toplaşmaq və söz azadlığının da daxil olduğunu bildirsə də, xeyli mütəxəssis ABŞ başda olmaqla Qərbin bu ölkədə siyasi dalğalanmaya isti baxmayacağını düşünür. Belə ki, Avstriyalı (Otrişli) enerji mütəxəssisi Ronald Stöferle İran və Səudiyyə Ərəbistanında eyni vaxtda qarışıqlıq çıxması halında neft qiymətlərinin 200 dolları keçə biləcəyini iddia edib.

Buna paralel olaraq isə Səudiyyə Ərəbistanı ilə İran arasındakı münasibətlərin gərginləşməsi müşahidə olunur. Səudiyyə Ərəbistanının xarici işlər naziri Səud əl-Feysəl İranın Səudiyyə Ərəbistanı müxalifətini qızışdırması ilə bağlı son günlərdə yayılan məlumatlara münasibət bildirərkən ölkəsinin daxili işlərinə qarışmaq istəyənlərə sərt reaksiya (əksuləməl) verəcəklərini açıqlayıb. Səud əl-Feysəl bildirib ki, “İran yaxşı olar ki, öz daxilində keçirilən etiraz aksiyalarının (yürüşlərin) həlli ilə məşğul olsun”. O iddia edib ki, “Səudiyyə Ərəbistanına uzanan əcnəbi əllərini yerindəcə kəsəcəklər.” Öz növbəsində İran isə İran ölkəyə gələn bütün Səudiyyə Ərəbistanı vətəndaşlarından barmaq izlərininin götürüləcəyini açıqlayıb.

İki ölkə arasında onsuz da rejim ixracı, ərazi mübahisələri və s. səbəblərdən gərginlik mövcuddur. Dünyanı sarsıdan vikileks sənədlərində isə hətta Səudiyyə Ərəbistanı rəsmilərinin ABŞ-dan İrana qarşı sərt tədbirlər görməsini istədikləri də qeyd olunurdu. İndi münasibətlər yeni bir gərginlik mövzusu əlavə olunur. Bu mövzu hər iki ölkənin rejimləri üçün daxili siyasi proseslər baxımından əlavə vasitə kimi faydalı da olur. Araztm

GUNAZ.TV

SON XƏBƏRLƏR