GünAz TV: Öncə fikir sonra dünya yaranır, öncə reklam sonra satış başlayır, öncə millət sonra dövlət yaranır bir bayraq yaranmadan öncə o bayrağın arxasında fikir və siyasət yaranır.

Sizcə bayrağı dövlətlər yaradar yoxsa millətlər? Sizcə bir bayrağı, o bayrağın düşmənləri dalğalandırar yoxsa o bayrağı sevənlər? İran adlanan ölkədə hakim olan Fars dövləti illərdir ki, Güney Azərbaycan türk millətinə qarşı əritmə (asimilasyon) , ayrı seçkilik və aşağılatma siyasətin yürütməkdədir. Bu dövlətin siyasəti başqa millətlərdə aynıdır, ancaq birinin acısı çox, başqasının acısı daha çox. İran adlanan ölkənin geri zəkalı siyasət adamları, artıq bu inanca yetişiblər ki Güney Azərbaycan türk milləti çoxdan bəri öz yolunu seçib və yaxın gələcəkdə dağlarda bitən çiçəklərdə, milli marşımızı bizimlə birlikdə oxuyacaqlar. Onlar çox yaxşı bilirlər ki, bu gediş Güney Azərbaycanı qurtuluşa aparır. Güney Azərbaycanın qurtuluşu, İran adlanan ölkəni parçalanması deməkdir, məhv olması deməkdir. Xəyalı ariya nəslinin matam günü deməkdir! O üzdən uzun zamandan bəri, bizim bu aydın və milli, mədəni hərəkatımızı içəridə və eşikdə çeşidli boğmağa çalışır!

Bildiyiniz kimi İran adlanan ölkədə yayımlanan Səhər adlı televiziya proqramları Farscadan başqa bir neçə dildə yayımlanır. Bu yayımlarla millətləri qandırıb istədiyi işlərdə qullanır. Millətləri qandırmasına qanıq olaraq, məsələn bildiyiniz kimi kürtlər belə işlərə dünəndən hazırdırlar! Yaxın tariximizə geri dönüb baxarsaq, ermənilərin İsmayıl Simitqonu neçə qandırıb oyuna gətirmələrinə tanıq olarıq. Bu tülkü sifət İran rejimi İranda yaşayan millətlər üçün doğru düzgün bir yayımı yoxdur. Ancaq bu yayımlar hər millətin öz baş kəndindən adı ilə və yaxud o bölgələrin adı ilə yayımlanır...

Ancaq bu arada mənim üçün bir sorğu yaranır, görəsən Səhər televiziyasını izləyən bir çox Quzey Azərbaycanlı, özcəliklə Nardarandan telefonla bu yayımlara qatılan azərbaycanlılar, İranda gedən siyasətdən xəbərləri varmı? Yoxsa kor-kor sadəcə tülkü sifət malaların yalan sözlərinə uyurlar? Onların xəbər varmı, Kürdcə yayımlanan proqramlarda kürt şəhərlərin buraxıb Azərbaycanımızın dilbər guşəsi Soyuqbulaq şəhərini kürdlərin Başkəndi kimi yayımların üstündə yazıb göstərir? Kürdlərin Başkəndləri Sənəndəcdir! Ancaq başda yazdığım kimi bu işlə kürdləri azərbaycanlıların üstünə quşqudurlar! Bunu dırnaq içində xatırlatmalıyam Soyuqbulağın qondarma adı Mahabaddir. Bir daha xatırladıram Soyuqbulaq Güney Azərbaycan Türk torpağıdır!

Əcəba bu dövlət Kürt millətin sevir və onlara yardım etməyə çalışır? Bu yayımlar mədəni bir işdir yaxsa Güney Azərbaycana qarşı bir siyasətdir?

O azərbaycanlılar ki, Səhər televiziyasına telefon edib, erməni dəstəklisi İran adlanan ölkəsini dəstəkləyirsiniz. Sizlərə bir sözüm var, lütfən papağınızı qabağınıza qoyub bir azıq dərindən düşünün. Heç düşündünüzmü, bizim tarixi abidələrimiz, məscidlərimiz Qarabağda vəhşi ermənilər tərəfindən yıxılıb yerlə bir olanda, sizin Səhər televiziyası nədən bu olayları gündəmə gətirmirdi? Məgər sizin xəbəriniz yoxdur, ermənilər bizim torpaqlarımızı işğal edən gündən, İran ermənilərə əlində gələn əsirgəməyib...?

İran dövləti Soyuqbulağı reklamla Kürd torpağı adlandırmaq istəyir. Öz gücü yetmədən silahına Kürdü qurşun olaraq yerləşdirir, zamanı yetəndə biz Türklərin beyninə sıxsın. Kürd əlilə bizə başqa Qarabağ yaratmaq istəyir .Kürdlərdə ancaq içəridə və eşikdə bu reklamı qullanıb bizlərdən torpaq qazanmaq istəyirlər.

Belə bir reklamlara və siyasətlərə qarşı biz Güney Azərbaycan Türklərin birləşməsi daha gərəkdir Eşik də olan təşkilatlar iş birliyi aparıb kiçik fərqlərə baxmayaraq bir səs və bir bayraq altında toplanıb, Güney Azərbaycanımızı dünyaya daha öz siyasi adı ilə tanıtdıraq. Sərdar Əsədi