Hakimiyyətə bəsic qüvvəsi yetmir?

SON XƏBƏRLƏR

Hakimiyyətə bəsic qüvvəsi yetmir?

2021.10.20, 07:36

Gunaz.tv

GünAz TV: Etiraz aksiyaları zamanı çıxış, yürüş və mitinqlərin qarşısını almaq məqsədi bir qayda olaraq, polis, hərbçilərdən istifadə olunur. Ancaq bundan başqa qüvvələrdən də etirazçılara qarşı zor tətbiqində hakimiyyət yararlanır.

Araşdırmalara görə, bunlar hakimiyyətin özünü qorumaq üçün «bəslədiyi» xüsusi qruplardır. Onlar çirkli pulların hesabına maliyyəlişlər. Buna qarşı çıxan beynəlxalq ictimaiyyət hesab edir ki, diktatorlar «öz ordusundan» eiraz aksiyalarını zorla yatırmaqdan ötrü onların «gücünə» arxalınır.

Bu sayaq rejimlərdən biri də İran İslam Respublikasındadır (Cümhuriyyəti). Hələ pəhləvilərin dövründə onlar «əli çomaqlılar» saxlayırdılar. İslamçı adlanan qüvvələr hakimiyyət gələndən sonra bu qüvvələri rolunu «bəsicilər» əvəzlədi. Bu yarım hərbi dəstə öz funksiyasına (vəzifəsinə) görə keçmiş SSRİ (Şurəvi) zamanı fəaliyyət göstərən «xalq könüllülərinə», «drujinaçılara» çox oxşayır. Ancaq Moskva bu qüvvəsindən daha çox asayişin yaradılması və s. bu sayaq ictimai işlərdə yararlanırdı. Tehran hakimiyyətinin «bəsicisi» isə İnqilab Keşikçiləri Qvardiyasının əsas kadr bazası, rejimin etibarlı qüvvəsidir. Onların bəslənməsinə və saxlanılmasına rəsmi şəkildə büdcə ayırılsa da, başqa bu sayaq xərclər kimi elan olunmur.

Tehran hakimiyyəti 2009-cu iln yayında bəsiclərdən dinc etirazçılara zivan tutulmasında yetərincə yararlandı.

Bu günlərdə Tehranda və ölkənin başqa şəhərlərində keçirilmiş etiraz aksiyalarını dağıtmaq üçün hakimiyyət polisdən və bəsiclərdən istifadə edib. «Əl -Ərəbiyyə» telekanalının məlumatına əsasən, onlarla aksiya iştirakçısı bu qüvvələr tərəfindən zədələnib.

Seçkidən sonrakı müxalifətin liderlərindən biri, Mehdi Kərrubinin evinə hücum olduğu barədə də məlumat yayılıb. Onun yaşadığı mənzili ETTELAAT-ın məmurları mülki geyimli məmurları və bəsicilər tərəfindən nəzarət altında saxlanılır. Bu insanlar M.Kərrubinin qonşularına bildirib : «Mehdi Kərrubi və xanımının başını kəsib şəhərdəki dirəklərə taxmaq üçün ali rəhbər ayətulla Xamneyidən göstəriş gözləyirik».

Tehran hakimiyyəti bəsiclər, ETTELAAT məmurları və onların əlaltıları, hakimiyyətin bəslədiyi xüsusi qruplardan başqa güclərdən də yararlanır.

Tehran hakimiyyətinə müxalif, hazırda mühacirətdə fəaliyyət göstərən Xalq Mücahidləri Təşkilatına istinadən «Əş-Şərq əl-Ousat» qəzetinin bildirdiyinə görə, İslam Respublikası Livandakı «hizbullah»çılardan da etiraz aksiyalarına hücum etmək üçün istifadə edib.

Mənbə bildirib ki, 1500 «hizbullah» döyüşçüsü müxalifətin Tehranda və ölkənin başqa şəhərlərində keçirdiyi aksiyaların yatırılmasında, yaxud dağıdılmasında iştirak edib. Sədrəddin Soltan

GUNAZ.TV

SON XƏBƏRLƏR