GünAz TV: Həftənin sonunda Tehran hakimiyyəti almaniyalı jurnalistlər Markus Helliviq və Yens Koxu azad edib.

Həftənin sonunda Almaniya xarici işlər naziri Gido Vestervelle jurnalist vətəndaşlarını ölkəyə gətirmək üçün Tehranda səfərdə olub. O, iranlı həmkarı Əliəkbər Salehiyə «dövlətlərarası münasibətləri dəstəklədiyinə görə » təşəkkürünü bildirib.

Diplomatlar görüş zamanı insan haqlarının qorunması və demokratiyanın inkişafı məsələsini də müzakirə ediblər. «MIGnews»-un məlumatına əsasən, onların hər birinə Almaniya dövləti 50 min dollar məbləğində cərimə ödəyib.

İslam Respublikasının (Cümhuriyyəti) məhkəməsi bu jurnalistləri 24 aylığına azadlından məhrum etmişdi.

Qeyd edək ki, «Bild am Sonntag» qəzetinin bu iki əməkdaşı 2010-cu ilin oktyabrında «zinada və həyat yoldaşını qətlə» yetirdiyinə görə, barəsində daşqalaq hökmü çıxarılmış Səkinə Aştianinin  oğlu Səccad Qədirzadə və vəkilindən müsahibə götürdükləri üzrə saxlanılmışdı. Düzdür, beynəlxalq ictimaiyyətin basqısı nəticəsində bu hökm ləğv edildi.

Tehran hakimiyyətinin əvvəl «casus» kimi mühakimə edib, bir müddət sonra müəyyən məbləğdə pul qarşılığında həmin «casusları» sərbəst buraxdığı ilk hadisə deyil.

Xatırladaq ki, 2009-cu il iyulun 31-də İran-İraq sərhədində üç turist amerikalı tutulmuşdu. Şeyn Baver, Sara Şord və Coşua Fettal ABŞ-ın (Amerika Birləşmiş Ştatları) xeyrinə casusluqda şübhəli bilinərək, İranda həbsxanada saxlanılırdılar. Saxlanılanlar yaxınları vasitəsi ilə bildirmişdilər ki, onlar dağa səyahət edərkən, İraqın Şimalındakı dağlarda azıblar.

İranın təhlükəsizlik qurumları 3 amerikalını ABŞ-ın kəşfiyyat xidmətinə «casusluqda» suçlayırdı. İslam Respublikası keçmiş informasiya və təhlükəsizlik naziri Heydər Mösüli İran «PressTV»-sinə müsahibəsində onların «sərəhdi qanunsuz  keçdiyini» söyləmişdi.

ABŞ dövlət departamentinin təmsilçisi Fililip Krouli isə öz növbəsində ölkəsinin kəşfiyyat qurumları ilə həmin şəxslərin əlaqəsi olmadığını vurğulamışdı.

Tutulanlardan birinin, Sara Şordun anası İranın ali rəhbəri ayətulla Xamneyiyə müraciət edərək, övladı və onun dostlarının səhvən İran ərazsinə keçdiklərini, onların «İrana zərər vurmaq niyyəti olmadıqlarını» bildirmişdi.

Ötən ilin payızında Tehran hakimiyyəti ABŞ vətəndaşı Sara Şordu girov qarşılığında sərbəst buraxdı.

Onda Tehran prokuroru Abbas Cəfəri-Dövlətabadi məsələ ilə bağlı belə açıqlama verib : «Amekrialı casus 500 min dollalı girov qarşılığında sərbəst buraxıla bilər. O biri iki amerikalı isə dəmir barmaqlıqlar arxasında saxlanılacaq».

İran hakimiyyəti bunu «humanitar davranışı» adlandırırdı. Sən demə, bu «davranışın» qiyməti cəmi 500 min dollar imiş. Elə məhbusların valideynlərinin İranın ali rəhbəri ayətulla Xamneyiyə müraciətini də bu baxımdan faydasız saymaq olar.

Məsələnin başqa bir tərəfi də var. Belə düşünmək olar ki, düşyüdü indiki böhranlı vəziyyətdə ölkə rəhbərliyi xarici ölkə vətəndaşlarının əvvəl girov götürür, sonra onların müəyyən məbləğ qarşılığında sərbəst buraxaraq, özünü «humanist» göstərir. Bu baxımdan amerikalı «casus»a görə,  500 min dollar, almanların ikisindən bir yerdə yüz min dolların alınması da İran hakimiyyətinin mahiyyətindən xəbər verir. Lap elə terrorçular kimi.

Yeri gəlmişkən,  İran KİV-in məlumatına əsasən, Sara Şurd İrana qarşı film çəkmək niyyətindədir. Bu sənədli film onun dostları (hələ də həbsdə olan Şeyn Baver və Coşua Fettal) ilə birlikdə İran həsbxanasında keçiridikləri vaxtdan bəhs edəcək.

Məlumata əsasən, 25 dəqiqəlik bu film «Şena və Coşanı azad edin - əzablar haqqında təcili istək» adlancaq. Filmin rejissoru və prodüsseri Cef Kaufmanın olacağı gözlənilir.

Bu aksiya ABŞ-ın bir sıra universitetləri və hüquq qurumları tərəfindən dəstəklənir.

Haşiyə. Tehran hakimiyyəti barəsində alman jurnalistlərin də yazılar yazacağı istina edilmir. Jurnalistlər həbs edib, satsa da, sərbəst buraxılanların  İran rəhbərliyi haqda çıxışları bu rejimə baha başa gəlir...

Sədrəddin Soltan