GünAz TV mətbuat mərkəzinin növbəti müsahibi, Azərbaycan-Türkiyə Gənclər Dostluq Cəmiyyətinin başqanı Kadir Yıldızdır.

- Kadir bəy, bir təşkilat rəhbəri olaraq, İranın Azərbaycan siyasətini necə dəyərləndirirsiniz?

- Təşkilatımız ilk gündən Azərbaycan və Türkiyə əleyhinə aparılan bütün hadisələrə sərt mövqeyini ortaya qoyub və bundan sonra da belə olacaq. Çünki təşkilatımızın yaranma fəlsəfəsi bu, prinsinlər (ilkə , Əsl) və türk milliyyətçilyi ideologiyası üzərində fəaliyyət göstərir. Biz İranın Azərbaycan apardığı siyasəti indi ki, dövrün prizmasından (zaviyədən) yanaşmırıq, buna tarixdə yaşanan olaylar nöqteyi-nəzərdən yanaşırıq. Keçmişdən üzü bəri İranın Ermənistan sevgisi və PKK terror örgütünü himayə etməsi ilə bağlı gerçəkliklər, bizim İrana qarşı münasibətimizi dəyişdirə bilməz. Bugünkü yaşanan hadisələrlə bağlı isə, bütün tədbirlərdə İranı tənqid etmişik. İran necə islam dövlətidir ki, ermənilər tərəfindən işğal olunan Şuşa, Ağdam şəhərlərində məscidlərdə heyvanların saxlanılmasına, dini müqəddəs ocaqlarımızın mundarlanmasına münasibət bildirmir. Burada əsas məsələ İranın mövqeyidir. İran isə ortaya mövqe qoymur.

Bu gün İranda 35 milyon türk yaşayır, onların məktəbləri, qəzetləri, dərgilər yoxdur. Amma, 200 minə yaxın ermənilər üçün 7 məktəb var, qəzet, jurnalları çıxır.

Güney Azərbaycan Türklərinin Quzey Azərbaycanla birləşmə ehtimalı İranı qorxudur və keçmişdə olduğu kimi, bugündə Ermənistana dəstək verir. Tarix boyu Rusiya və Ermənistan tarixdə hər zaman bir-birlərinə qarşı müharibə aparmışlar. Birləşdikləri tək nöqtə Ermənistan siyasətinə dəstək verməlidirlər. Burada qarşılıqlı bir maraq var. Bu da Xəzərin statusunun təyin olunmaması, ortaq düşmənlərə qarşı (Amerika) birlikdə hərəkət kimi nöqtələridir. Nəticədə demək istəyirəm ki, bizim cəmiyyət olaraq Azərbaycan ve Türkiyənin mənfəətinə tərs düşən hər türlü  ters düşən baxışlarımız qəti və sabitdir. İstəyimiz odur ki, İranın bu siyasətindən bir an əl çəkməsi və Azərbaycanla əlaqələrini düzgün inkişaf etdirməlidir.

- Təşkilat bu istiqamətdə hansısa bir tədbir keçirməyi planlaşdırır?

- Fevral ayının 22-də Türkiyənin İsparta şəhərində geniş bir konfransımız olacaq. Konfransın əsas müzakirə mövzusu Xocalı faciəsi və Qarabağın işğalı ilə bağldır.  Konfransada bu məsələyə toxunacağıq. Çünki bu mövzular bir-biri ilə bağlı olan məsələlərdir. Xüsusilə, konfransda “Xocalıya tarixi baxış və beynelxalq münasibətlər siyasətin bu faciənin yeri” dəyərləndiriləcək. Bizlər necə İsrailə olduğu kimi sözümü dedik, eynilə İran və Ermənistana da “one minut” deməliyik. Xocalı faciəsilə bağlı tədbirlərimiz Türkiyənin müxtəlif şəhərlərində keçiriləcək.

Xüsusilə, tədbirdə qan vermə aksiyası olacaq və burada məqsədimiz Xocalı faciəsinin ildönümündə Qarabağda da qan verməyə hazır olduğumuzu göstərməkdir. Bu gün biz türk gəncləri olaraq, canımızdan əziz bildiyimiz vətənimizın azadlığı üçün əmr gözləməkdəyik.

- İran özünü müsəlman dövləti kimi dünyaya təqdim edir. Amma, işğalçı Ermənistanla əlaqələrini gücləndirir. Hətta Qarabağda dini məscidlərimizi də dağıdan da belə, İran buna heç bir reakasiya vermədi. Halbuki, Azərbaycanda hansısa bir hadisə baş verməmiş İranın ayətullahları Azərbaycanın daxili işlərinə qarışırlar. Sizcə, bu qədər düzgün ola bilər?

- Məncə, Azərbaycanın daxili işlərinə qarışmaq heç bir dövlətin həddi deyildir. Azərbaycan özünü yüksək səviyyədə idarə edə biləcək güclü dövlətdir. İslam dövləti adlanan İran ilk öncə özünü qiymət verməlidir. Bu gün islam adına tək söz sahibi İran deyildir. Hətta, İranın hərəkət və davranışlarına nəzər salsaq, görürük ki, söz deməyə belə haqqı yoxdur. Az öncə dediyim kimi, Şuşada ermənilərin olması, İran üçün daha önəmli bir hal almışdır. Yəni, bu gün orada müsəlmanların olması İranı elə də maraqlandırmır. Bu da nə İslama, nə də insanlığa sıxmayan haldır. Gün gələcək, İran kimi İslam dövləti adlanan və İslam ilə əlaqəsi olmayan dövlətlər Türkün bayrağına böyuk əyəcəklər.

- Bəlkə də İranın Azərbaycana olan münasibətinin kökündə İranda türklük faktorunun güclənməsidir. Çünki İran Azərbaycanın müstəqilliyini həzm etmək istəmir...

- Bəli, Çox doğru yanaşmadır. Bu günlərdə Tunisdə və Misirdə yaşanan olayların İrana təsirləri mümkündür. Bu bir ehtimalımdır. Amma İranın indiyə qədər ki, siyasəti bu yöndə olub: Güney Azərbaycan, Türkiyə və Azərbaycan əlaqələrinin güclü inkişaf etməməsi istiqamətinin qarşını almaq. Bu durum sadəcə İranın deyil, Amerikanın, Rusiyanın marağındadır. Çünki bölgədə güclü Türk birliyi yaranması heç birisinin maraqlarına cavab vermir. Bu məsələdə Ermənistan maşa olaraq istifadə edilir. Diqqət edirsinizsə, bu məsələlərdə Ermənistan hər zaman ortaya atırlar. Qarabağın Ermənistan tərəfindən işğal edildiyi vaxt BMT (Sazemane meləle mottəhed) dörd qətnamə çıxartdı, amma heç birinə əməl edilmədi. Bu onu göstərir ki, türk dövlətləri bir olmalı və vahid ideya ətrafında birləşməlidir.

Söhbətləşdi: Elnur Eltürk