GünAz TV: İranın atom –nüvə proqrammı ətrafında baş verənlər, eləcə də bu ölkədəki etiraz çıxışları zamanı beynəlxalq ictimaiyyətin mövqeyi kimin –kim olduğunun da aşkarlanmasına şərait yaradır.

Londonda keçirdiyi mətbuat konfransında rusiyanın xarici işlər naziri Sergey Lavrov bildirib ki, onlar Yaxın Şərq dövlətlərində «iqilaba çağrışı» məhsuldar «saymırlar».

Onun sözlərinə görə, Rusiya inqilabı yaşayıb, belə bir təcrübəni arzulamır : «Bunu yerinə beynəlxalq ictimaiyyət belə bir şəraitdə tərəfləri konstruktiv (yararlı) danışıqlara çağırmalıdır».

«Mirror.co.uk»-un məlumatına əsasən, S.Lavrov Qərb dövlətlərini baş verənlərin acı nəticələrindən xəbərdar edib : «Demokratiyanın İran və ya Bəhreyndə müəyyən edilmiş sortunun (növ) yayılması ağır sonuc verəcək». O, Fələstindəki parlament seçkilərində terrorçu Həmasın hakimiyyətə gəlişini xatırladıb.

Atom-nüvə proqramına görə İrana tətbiq edilən və ediləcək sanksiyalara (yaptırım, təhrim) toxunan rusiyalı diplomat bildirib ki, Rusiya İrana qarşı gələcək sanksiyaları dəstəkləyə bilməz.  S.Lavrov İranın nüvə proqramında əli olanlara qarşı hətta qismən də olsa sanksiya tətbiq etmək imkanlarının tükəndiyini sölyəyib: «Bundan sonrakı sanksiyalar İran iqtisadiyyatının boğulması və bu ölkə əhalisi üçün sosial problemlərin yaranması deməkdir».

O,  İrana qarşı birtərəfli sanksiyalar “5+1” qrupu ilə BMT (Sazemane Meləle Mottəhed) Təhlükəsizlik Şurasının birgə işinə xələl gətirdiyini də vurğulayıb.

Britaniyanın xarici işlər naziri Uilyam heyq isə Lavrovun dediklərinin əksinə olaraq, bildirib ki, krallıq Misirdə, Tunisdə və ya başqa bir ölkədə insanların sərbəst toplaşmaq hüququnu dəstəkləyir. O, əlavə edib ki, London bütün dövlətlərin başçılarını, ilk növbədə İranı bu hüquqa hörmət etməyə çağırır.

Yeri gəlmişkən, ABŞ (Amerika Birləşmiş Ştatları) dövlət katibi Hillari Klinton da  İran müxalifətinin eiraz aksiyasını dəstəkləyən bəyanatla çıxış edib. «Misirlilərin nail olduğu haqqa iranlılar da anadan olandan layiqdirlər. Biz Tehran küçələrindəki etirazçıları dəstəkləyirik. Onların cəsarət və igidliklərini alqışlayırıq».

Dövlət katibi İran rəhbərliyini müraciət edərək, onları xalqın səsini eşitməyə və ölkəni demokratik yolla aparmağa çağırıb. O, İslam Respulikası (Cümhuriyyəti) hakimiyyətini «ikiüzlülükdə» qınayaraq, deyib ki, onlar Misirdəki müxalifəti dəstəklədikləri  halda öz ölkəsindəki müxalifəti əzir.

Demokratiya sahəsində Rusiya Federasiyasının vəziyyəti Misir və başqa müsəlman dövlətlədəkindən heç də yaxşı deyil. Bu baxımdan S.Lvarovun narahatlığı başa düşüləndir.

İş o yerə çatıb ki, Moskvada çıxan «The Moscow Post»da özünü «Vaşinqton post» kimi aparmağa çalışır. Fevralın 14-də tehran və İranın başqa şəhərləində keçirilmiş etiraz aksiyalarına dair bu qəzetdə çap olunmuş yazıda bildirilib ki, həmin aksiyaların arxasında İran Xalq Mücahidləri təşkilatı durur : «Onlar bir polisi odlu silahla öldürüb, 9-nu isə yaralyıb. Qiyamçılar İran prezidenti Mahmud Əhmədinejadın devrilməsini tələb edir. İrandakı ictimai qarşıqlığın arxasında ABŞ-ın (Amerika Birləşmiş Ştatlarının» Mərkəzi Kəşfiyyat İdarəsi (MKİ)durur».

Qəzetin yazdığına görə, yaraqlı mücahidləri MKİ-nnin təlimçiləri təlimatlandırır: «ABŞ-ın xüsusi xidmət orqanları mücahidlərə himayədarlıq edir».

Yazının sonunda Moskvanın məqsədi ortaya çıxır. Qəzet bu məqsədi belə açıqlayıb: «Maraqlıdır, görəsən, amerikalılar başqa dövlətlərin daxili işinə qarşımaqdan nə vaxt əl çəkəcək?»

Məqsədimiz mücahidləri və ABŞ dəstəkləmək deyil. Çünki mücahidlərin siyasi –ideoloji baxışı indik hakimiyyətdən heç nə ilə fərqlənmir. Eyni zamanda onların proqramında Azərbaycan türklərinin milli haqlarının təmini ilə bağlı bir cümlə belə yoxdur.

Başqasının daxili işinə qarşımaq məsələsində  isə Moskva başqalarından heç də geri qalmır. Bunu ərazisi Rusiyanın himayədarlığı ilə Ermənistan tərəfindən işğal olunmuş Azərbaycan daha yaxşı bilir. Xocalı faciəsini törədən Rusiyanın 366-cı motoatcı alayının ermənilərə yardımı unudulubmu? Bu baxımdan, Moskvada çıxan qəzet «öz gözündə tiri görməyib, başqasının gözündə çöp axtarır».

Ancaq «The Moscow Post»un Tehranda baş verənlərlə bağlı fikrilərinin Tehran rəsmilərinki ilə üst-üstə düşməsi də az maraq doğurmur.

İran polis qüvvələrinin komandanının rəis müavini, briqada generalı  Əhmədrza Radan bildirib ki, «9 polis yaralanıb».

Onun sözlərinə görə, qarşıqlıq «inqilab əleyhinə olan ünsürlərin, ABŞ, Britaniya və İsrailin casusları» tərəfindən yaradılıb. O, bu işdə «mücahidlərin» əlinin olduğunu iddia edib.

Radan və «The Moscow Post» bilmədən mücahidlərn xeyrinə işləyir. Ancaq hər kəsə bəllidr ki, həmin etiraz aksiyasının keçirilməsi ilə bağlı «yaşılla hərəkatı» adlanan hərəkatın liderləri Mirhüseyn Musəvi və Mehdi Kərrubi bir həftə öncə hakimiyyətdən icazə istəmişdi.

Bu baxımdan «The Moscow Post» çıxan yazının sifarişli olduğu ehtimalı böyükdür. Çünki Tehran hakimiyyəti ölkədəki müxalif düşüncəliləri öz istəyincə ləkələmək üçün bu üsuldan çoxdandır yararlanır. Bu dəfə «The Moscow Post» onların toruna düşüb. Lavorovun çıxış isə fikrimicə, daha çox Krmelin öz hayına qalması kimi dəyərləndirilə bilər. Sədrəddin Soltan