İran hakimiyyəti qorxuya düşüb

SON XƏBƏRLƏR

İran hakimiyyəti qorxuya düşüb

2021.10.20, 07:36

Gunaz.tv

GünAz TV: İran hakimiyyətinin müxaliflərə təzyiqləri getdikcə artır. Son günlərdə həbs olunan və edam olunanların sayının artması hakimiyyətin həyəcan keçirməsi ilə əlaqəli ola bilər.

Misir və Tunisdə baş verən hadisələrdən sonra İranda müxaliflərə qarşı təzyiqlərin artması hakimiyyətin bu hadisələrin nəticələrindən və İrana sıçıramasından qorxduğunu göstərir.

İran müxaliflərinin liderlərindən biri olan Mehdi Kərrubinin saytında dərc olunan məlumata əsasən onun şəxsi mənzilinin ətrafında yerləşdirilən yeni təhlükəsizlik qüvvələri onun ailə üzvlərinin evə daxil olmasının qarşısını alıb. Məlumata görə hətta Kərrubinin oğlu atasının evinə daxil olan zaman hakimiyyətin yerləşdirdiyi məmurlar tərəfindən saxlanılıb və evə buraxılmayıb.

Xatırladaq ki, bir nüçə gün əvvəl Kərrubi ilə Mir Hüseyn Musəvi görüş keçirib və bu görüşdən sonra hər iki lider bəyanat verərək gələn həftə, fevralın 14-də (bəhmənin 25-i) öz tərəfdarlarını mitinqlərə dəvət ediblər. Onlar bu məqsədlə İran Daxili İşlər Nazirliyinə də müraciət ediblər.

Liderlərin belə bir zamanda evlərində məhbus saxlanılması yalnız indiki günlərə məxsus olan hadisə deyil. Əvvəllər də Kərrubi və Musəvinin yaxınları ilə görüşmələrinə məhdudiyyətlər yaradılıb. Musəvinin həyat yoldaşı Zəhra Rəhnəvərdə dəfələrlə evdən çıxmaq istədiyi zaman təhlükəsizlik məmurlarının maneəsi ilə üzləşib.

Qeyd edək ki, liderlərin fevralın 14-ə olan çağrışı ilə əlaqədar “Twitter” və “facebook” saytlarında geniş kampaniyalar başlayıb. Gənclər fevralın 15-də mitinqə qatılmaq barədə bir-birləriylə ilə xəbərləşməyə başlayıb və çağrışlar edirlər.

Dünən İranda inqilabın qələbəsinin ildönümü idi. İrandan alınan məlumatlara əsasən İranın bir çox şəhərlərində mitinqlər olub. Mitinqləri hakimiyyət təşkil etsə də ciddi təhlükəsizlik tədbirləri həyata keçirilib. Böyük şəhərlərin bir çoxunda internet bağlanıb və ceb telefonlarının SMS servisi bağlanılıb. Bunlar da öz növbəsində hakimiyyətin mövcud ictimai-siyasi durumdan nə dərəcədə çəkindiyini göstərir. Araztm

GUNAZ.TV

SON XƏBƏRLƏR